Assembly Inthlanpuia Candidate te sum hman enfiah dan tur chungchang sawiho a ni.

Kumin kumtawp Mizoram State Legislative Assembly inthlanpui  lo awm tur atana din Serchhip District Media Certification and Monitoring Committee (MCMC) chu nimin khan District Bawrhsap hovin an \hukhawm.
    He \hutkhawm District Election Officer ni bawk, Pi Juhi Muklherjee kaihhruaia a Office Chamber-a neih ah hian MCMC kalphung leh hnathawh dan tur te sawiho niin hmalak dan tur te pawh ruahman a ni a, Bawrhsap chuan MCMC chu thil thar anih avangin member tin te \anrualna leh thawhhona \ha a pawimawh dawn a, tumah inthlahdah lo leh harsatna leh hriatthiamloh thilah pawh in\anpui tawna in fuih tawn reng a pawimawh a ni, a ti. Media Certification and Monitoring Committee hi Election Commission of India in Media kaltlanga Political Party leh Candidate te sum hman dan dik lo leh Model Code of Conduct an bawh-chhiat te ven anih theihna tura a din a ni a, a bik takin Sum leh pai emaw therhlo dang emaw tawktarha tute emaw chanchin leh fakmawina Chanchinbu/Television a tihchhuah (Paid News) venna tur atana ruahman a ni bawk a, Election puan anih veleh a\ang chuan Political Party emaw, Candidate emaw in Media kaltlanga advertisement an tih dawn reng rengin MCMC phalna lak hmasak zel a ngai tawh dawn a ni.
    Media Certification and Monitoring Committee (MCMC) hi chhawngthum : District, State leh Central level ah te din a ni a, a vawikhatna atan kum 2010 Bihar Assembly Election ah khan hman \an a ni a, India ram pumah hman zel tawh niin he ruahmanna thar hian kum 2010 a\ang khan Paid News do remna kawngah nasa taka hmasawnna a thlen a, kumin May thla a Karnataka Assembly Election ah khan Election Commission of India chuan MCMC kal-tlangin Paid News Case 98 lai mai hmuchhuakin, Himachal Pradesh Assembly Election ah Case 104 leh Gujarat Assembly Election ah case 416 lai a hmuchhuak bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man