Assembly inthlanpui neih tura inbuatsaihna atan Training pawimawh tak Serchhip-ah neih a ni.

Mizoram in kumin kumtawpa Assembly inthlanpui a hmachhawn tur atana inbuatsaihna kal mekah nimin (6th Sept. 2013) khan Serchhip District chhunga Election Official, RO, ARO, AERO-te bakah tlawmngai pawl hrang hrang aiawhte, MPF aiawhte leh MJA aiawhte tan training neih a ni.
Nimin a Assembly inthlanpui neih tur atana training Serchhip DC’s Conference Hall-a buatsaih ah hian “Media Certification and Monitoring”, “Systematic Voters Education & Electoral Participation” leh “Election Expenditure Monitoring” chungchang te zirho niin he hun hmanpuitu District Bawrhsap leh District Election Officer ni bawk, Pi Juhi Mukherjee chuan Mizoram inthlanpui lo awm tur atan Election Commission of India chuan ruahmanna thar chi hrang hrang a duang chhuak a, hengte hi inthlanna felfai leh thianghlim kan neih theihna tur atana zawm ngei ngei ngai tur a nih avangin official te, mipui aiawhte leh thuthar lakhawmtu ten an hriatchian a, an zirchian hmasak a pawimawh a, midangte zirtir chhawng tur leh hrilh chhawng tur an nih avangin an pawimawh a ni, a ti a, India ramin inthlanpui a neih tawh ah nikum-a Tripura in Assembly inthlanpui an neih a vote nei zinga za zela 93 in vote an thlak chu vote tlak \hatna ber a ni tih sawiin, hemi hi khum ngei turin kumina Mizoram Assembly inthlanpui neih turah hian \an lak a ngai a ni, a ti a, India rampuma ziak leh chhiar thiam tamna ber District, Serchhip District tan chuan hei hi thil harsa a nih loh thu leh hemi tur hian kan vaia kan \anrual a \ul thu a sawi bawk.
    Nimin a Training hi chhawng thum-ah \hen niin Pu Lalhmansanga MCS, Election Officer chuan “Systematic Voters’ Education and Electoral Participation (SVEEP)” chungchangah zirtirin Vote nei zawng zawng ten vote an thlak \heuh theihna tura hmalak dan turte sawiho a ni a, Pu Lalsangliana, MCS, Addl. DC chuan “Election Expenditure Monitoring” chungchangah zirtirna pein Assembly inthlanpui neih turah Candidate te sum leh pai hman tur khuahkhirh dan hrang hrangte leh hemi enfiah tura sorkar in ruahmanna chi hrang hrang a siam te a sawifiah bawk a, Pu Andrew H. Lalremruata MIS, District Information & Public Relations Officer, Serchhip chuan “Media Certification and Monitoring” chungchangah zirtirna pein Party mi leh Media mi ten thuchhuah dan kalphung chi hrang hrang an hriatfiah tur \ul te a hrilhfiah bawk a ni.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn