Assembly inthlan hmain Food Security Scheme kalpui dawnlo.

Food Security Scheme chu Mizoram-a hman turin hawn ni tawh mah se Mizoram Assembly inthlan hma chuan a taka kalpui a ni dawn lo.
Food, Civil Supplies and Consumer Affairs Minister Pu H. Rohluna chuan Food Security Scheme hi Mizoram-a hman ve ngei tumin \an lak mek a nih thu sawiin thil kalphung tur erawh chu October ni 1-a Union Food and Consumer Affairs Minister K.V. Thomas hova State Food Minister te Delhi-a an inhmuhkhawmnaah a chiang chauh dawn niin a sawi a, September ni 30 hian state a Food Secretary te pual inkhawm buatsaih a ni anga, a tukah Minister te an kalkhawm leh dawn a, hmanhmawh lutuka kalpui theih a nih dawnlo a ni, a ti. Pu Rohluna chuan sorkar laipui lamin a taka hman \an hun tur hi Delhi-a Pi Sonia Gandhi-i’n a hawn hnu a\anga thla ruk tih kha kum 1 chhunga hman turin an rawn pawtsei niin a sawi a, mahse kum khat nghak kher lova a hma thei ang bera hman tum a nih thu a sawi a, inthlan hma erawh chuan a taka kalpui hman a nih dawn loh thu a sawi. Minister chuan thingtlang kilkhawr ber thlengin Food Security Scheme hnuaia buhfai Kg 1 cheng 3 a thlatin Kg 5 lei thei turte hi thlan chhuah vek a ngaih dawn thu a sawi a, thil tihfel hmaa tihpuitlin a nih chuan Mizoram sorkarin harsatna a tawh theih bakah sum a hloh \euh thei a, fimkhur taka kalpui a ngai a ni, a ti a ni. Mizoram mihring hi kum 2011 chhiarpui-ah khan 10,91,014 awm anga chhut a ni a, chuta \anga 7,60,000 chu he Food Security Scheme hnuaiah hian thun turin sorkar laipuiin a rawn ruahman a ni.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn