Tuivai Hydro Electric Project tanna tur lawmna nei
Kawlphetha 210 MW pechhuak thei tur Tuivai Hydro Electric Project tanna tura sorkar laipuiin July 23, 2013-a rem a tih tak avangin Parliamentary Secretary (P&E), Pu Lal Thanzara chuan nimin khan thuthar theh-darhtute a lawmna thingpui a inpui.
Chief Minister Conference Hall-a he hun hmanna ah hian Pu Lal Thanzara chuan Mizoram mamawh pui ber pakhat kawlphetha tam zawk siam chhuak tur a sorkarin theihtawp a a hma lak dan tlangpui sawiin, Tuivai Hydro Electric Project hi Public Private Partnership (PPP) hmanga thawh tur niin, sum sen \ul zawng zawng chu a thawktu company leh sorkar laipui in a tum tur Viability Gap Funding a nih thu leh hei hi rampum huapa a vawikhatna tur a nih thu a sawi a, thuthar thehdarhtute chu hetiang sorkar hmalakna te hi a chin chhuak a chhui a dik taka mipui hnen a puang zar turin a sawm bawk. He Project \obul leh an chhawpchhuah chhoh dan te hrilhfiah in Engineer-in-Chief Pu CL. Thang-liana chuan Tuivai tuikhuah turin ram 1600 hectare a chim tur thu te, a huam chinah In dinglai a awm loh dan te sawiin, chu chuan hmalakna a tih awlsam a beisei thu a sawi a. Viability Gap Funding hmu thei state hmasa ber kan ni chu vanneihthlak a tih thu lehPPP hmanga Project liantham thawhna hmasa ber anih tur thu a sawi tel bawk.
TUIVAI HEP HIGHLIGHT

(1) He tuikhuah hi 210MW pechhuak thei tur a ni a, khuah anih atanga kum 5 chhunga zawh fel tura ruahman a ni.

(2) A khuah man hi State Sorkar in a tum dawn lova, Central Sorkar leh Contractor te tum tur a ni.

(3) A khuahna sensa atan hian Chen Vbc. 1750.60 ruahman phawt a ni.

(4) A power tharchhuah 210 MW hi kum 35 chhung Mizoram in Unit khat Rs. 3.55 in a lei vek ang.

(5) Mizoram in a Power lei te hi a duh chuan hmundangah (State dang/Foreign) hlep neiin a hralh thei ang.

(6) He tuikhuah leh a power siamchhuah hi kum 35 hnu ah Mizoram Sorkar kutah, Mizoram ta ni pumhlum turin dah/hlan a ni ang.

(7) Tuivai HEP hian ram 1600 Hectare a chim dawn a, Mihring chenna in chimchhiat tur a neilo.

Popular News

Mizoram-ah Faina Hapta hman \an leh a ni

Retailer bukna diklo 3 man