Tuikum Cluster-ah NLUP 2nd Phase dawng te hnenah \anpuina semna hun hman a ni.

Tuikum bialtu MLA leh Mizoram KVI Board Chairman ni bawk, Pu K. Lianzuala chuan tunkar Thawhlehni (20th Aug. 2013) khan Chhingchhip leh Tlungvel-ah te NLUP 2nd Phase dawng te hnenah \anpuina sum a semchhuak.

    NLUP 2nd Phase \anpuina semna inkhawm Chhingchhip-a Chhingpuii Run-a neih ah Mizoram KVI Board Chairman leh District Level NLUP Monitoring Committee-a Chairman ni bawk, Pu K. Lianzuala, MLA chuan eizawnna kawnga leirem rap tawhlo leh Pa chhia te tana NLUP \anpuina semchhuah mek a ni chu lawmawm a tih thu a sawi a, hemi kawnga Serchhip District-a NLUP Cell leh Line Department te hnathawh chu lawmawm a tih thu sawiin, Mizoram sorkar chuan a policy tih hlawhtlinna atan NLUP a sem mek chu a sem chhunzawm zel dawn tih a sawi a, NLUP chu mipui Policy a nih thu sawiin, Congress kaihhruai sorkar hmasa pawhin a lo sem tawh thu leh tunah hian a aia changtlung zawka siamin sem chhunzawm mek a nih thu sawiin, inthlan dawn a nih vang chauha sem an nih loh thu a sawi a, NLUP chu Party thlan bik awm lovin sem a nih thu leh NLUP \anpuina an dawn avanga thatchhiatna thleng thei te do tlat turin a chah a. NLUP chu eizawnna ngelnghet an neih theihna tur leh ei leh bar-a intodelhna tur a nih thu sawiin, Tuikum Cluster huamchhung ami te chu NLUP hmasa ah pawh a ti hlawhtling \ha ber berte zing a mi nia a hriat thu leh tun thlengin a hlawhtlinna chu an la chhawr nia a hriat thu a sawi bawk.
    Heng khaw pahnih a NLUP \anpuina semna hunah hian Agriculture Department hnuaia khaw 10-a chhungkaw 134 te hnenah NLUP 2nd Phase \anpuina 2nd Instalment semchhuah niin chhungkaw 9 te chu an hmalakna enfiah tur ala nih avangin \anpuina hi pekchhuah an la ni lo thung a. Horticulture Department hnuaia khaw 10-a chhungkaw 150 te hnenah leh Soil & Water Conservation Department hnuaia khaw 8-a chhungkaw 110 te hnenah NLUP 2nd Phase \anpuina hi Pu K. Lianzuala chuan a sem bawk a ni. Heng khaw pahnih a NLUP semna inkhawm ah hian Pu Robert C. Lalhmangaiha, MCS, Nodal Officer, NLUP Serchhip District pawhin thu a sawi bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai