Transport Minister in RMSA building hawng

Transport Minister Pu PC. Zoram Sangliana chuan Rs. 34,24,630/- senga sak Bairabi-a RMSA Building chu nimin khan a hawng.

He hun ah hian sorkarin kawng tinrenga Zoram mipuite hmasawn nan tha a thlah ngai lova, kan sorkar hian inthlan dawna kan thutiam hre rengin kan ti ang kan tih chu kan hlen mek zel a ni’, a ti a, Chief Minister hova hmalakna kawng hrang hrang te leh NLUP hmanga an hmalakna chu Party thenkhat ten an sawi hnawm viau laiin, mithiam leh mifing apiang-in tha an tih thu leh India ram mai nilo khawvel huap thleng pawha NLUP chu miten an fak thu a sawi bawk.
    Hemi hma niminpiah khan Pu PC. Zoram Sangliana hian a bialchhung Kolasib, Pangbalkawn, Meidum leh Bairabi khua te tlawhin PHE Deptt. hnuaia Bairabi Water Supply Scheme hna kal mek chu tlawhin tun dinhmun ah hna za zela 85 vel chu zawhfel ni tawhin kumin November thla khian zawh hman tum a ni. Hei bakah hian Pu PC. Zoram Sangliana hian Bairabi khawtlang hruaitute hnen ah Tuitla chharna atana hman turinSpeed boat leina tur Rs. 60,000/- a hlan bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai