THU KAMHNIHKHAT
- Laldinpuia


    Kan Serchhip khawpui hi a thang chakin hma kan sawn ve ta khawp mai a, tun hma deuh a Mizoram khawdang te nena khaikhinin Serchhip khua hi kan hnufual bik ti a kan sawi fo \hin kha zawi zawiin a bo ta telh telh niin a lang. A mi cheng ten hma kan sawn a, changkanna lamah nasat takin rahbi \ha kan chuangkai a, lirthei pawh a pung chakin tunhmaa kan hriat ngai hleihloh Traffic Police te pawh regular in kan nei ve ta reng mai, hetih lai hian kan kawngpui te hi a \hang ve thut thei si lova, lirthei a pung zel a, tunhma a kawngpui zau tak \hin te pawh kha kawng-pui chep leh tawtah a chang chho mek a, hetiang hunah tak hian Traffic management fel fai tak kan neih a ngaihzia hi a lang chhuak leh \hin. Tun a\anga ruahmanna felfai tak kan neilo anih chuan nakin lawkah chuan vuivaina thlentu tur ala nih theih avangin kan kawngpui pawimawh \henkhata traffic management mumal tak kan neih theih nan rawtna thu kamhnihkhat ka han thawh ve teh ang:
    1. AOC a kawngpui in\henna lai, P&E lam chhohna leh National Highway New Serchhip lam panna kawng khi a lun ve ta hle mai, khi lai kawng hi P&E a\anga rawn chhuk thla leh New Serchhip lam a\anga rawn phei P&E lama kual chho duh te tan motor insulpel dan khi a mumal lo hle mai a, kawngpui a kan tlankual \hin dan hi insut palh hlauhawm tak niin a hriat a, chuvang chuan traffic Police achangin an duty \hin na chungin khilai kawngah khian kual dan tur kaihhruaina line marking emaw felfai tak awm thei se a \ha hle mai.
    2. New Serchhip College peng kawngpui saw line marking siam a \ha hle bawk. Traffic police duty \ul kan ti rihlo anih pawhin Motor veivak tan an panna lam tur kaihhruaina engemaw tak siam theih nise khua a tih changkan bakah lirthei a veivak te tan a awlsam phah ngei ang.
    3. Serchhip Bazar hi motor a lunin a tam ve ta hle a, Traffic Police hi duty \hin lo phei se chu traffic ah harsatna tam tak thleng thei a ni tawh a, hei vang hian traffic Police te pawhin ngawrh takin an vil \hin a, a lawmawm hle mai. Hetih lai hian motor neitute leh mipui lam te hian Traffic Police lam tena chhinchhiahna an tar leh siam hi kan zawm \ha vak thinlo niin a lang. Sawrkar lama hotute ngei ngei pawh No Parking Area a an motor kalsan ta mai mai te pawh sawi tur an awm fo mai. Chuvang chuan mipui lam pawh hian kan hotute thu zawm lamah hian hmasawnna tur kan ngah khawp mai.
    Heng kan Traffic hotute dan siam hi zawm thlap thlap ila, kan traffic lam te pawh hian officer lian anni emaw, mi pangngai an ni emaw dan zawmlote chu....  .......angkhat vekin hremin man mai thin se tun ai hian kan khua hi a nuam ang a hma kan sawn chak lehzual a rinawm. Serchhip khaw tihmasawntu tur leh tinuam theitu chu keimahni a chhunga chengte bawk hi kan ni tih hriain mipui te hi tangrual ila, kan khawtlang hmasawnna turin tha leh zung leh sum leh pai kan thawh velo anih pawhin khawtlang hmasawnna dal zawngin awm lo ila, mi hmalakna sawisel leh ngainep zawnga tang ringawt lovin kan khaw hmasawnna tur anih phawt chuan political party leh kohhran in anloh avanga inlahrang mai lovin lungrual takin i thawkho thin zawk ang u.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn