SSA Mission Serchhip District kaltlangin M/S te Computer Laptop leh Monitor sem an ni.

SSA Mission Serchhip District in Computer Aided Learning Programme hnuaia Laptop Computer leh Monitor lian an lei te chu nimin khan Serchhip District chhunga Middle School 32 leh BRC te hnenah an semchhuak.

    Heng Laptop Computer leh Monitor lian semchhuahna puala inkhawm, SSA BRC Hall-a neih ah hian he hun hmanpuitu Pu K. Lianzuala, MLA, Mizoram KVI Board Chairman ni bawk chuan Mizo ten neitu kan pu lo fo \hin chu pawi a tih thu sawiin, hun engemaw lai a\ang phei chuan dawn lama \hahnem ngai tak leh enkawl zui leh hman \angkai lama hnufum tak kan ni tih a sawi a, chuvangin tuna School hrang hrang te pawhin an thil dawn chu an hman \angkaia uluk taka an enkawl zui a pawimawh dawn tih a sawi a. Sorkar in zirna a ngaih pawi-mawh dan tarlangin, Commission hial dina hma lak a nih thu leh tunlai thiamna leh hmasawnna mila zirtirtu leh naupang te pawh an inher rem ve zel theih nan, heng programme te pawh hi siam a ni tih a sawi a, heng Computer semte hi a nihna tur ang taka hman a nih chuan khawpui naupangte leh thingtlang naupangte hriatna leh hmasawnna inkar zau lutuk \hin pawh a sawr zim ngei a rin thu a sawi bawk. Hei bakah hian Pu K. Lianzuala chuan kan rama zirtirtu din-hmun a pawimawh zia sawiin, tunhma phei chuan sikula zirtirtu chauh nilovin, khawtlang kaihruaitu tak tak an ni a, Pastor dawttu hiala dinhmun zahawma ngaih \hin an ni a, tunah erawh chuan nun qualified lo leh biak in kawng hre lo zirtirtu an tam tawha a hriat thu a sawi a, zirtirtu kalkhawmte chu naupangte tana hriatna chauh pe lova, nun entawntlak phochhuah tum turin a chah bawk.
    SSA Mission Serchhip District Project Coordinator, Pu C. Lalthanzira kaihhruai he hunah hian SSA kalpui dana thuneitu sang, District Education Commiittee a Chairman leh District Bawrhsap ni bawk, Pi Juhi Mu-kherjee chuan tunlai khawvel thimna mila zirlai naupang ten hma an sawn theihna tura hetiang ruahmanna siam a ni chu lawmawm a tih thu sawiin, zirlai naupang ten \ang-kai taka an hman a beisei thu a sawi bawk. SSA Mission Serchhip District hian kum 2 kalta a\ang khan zirna In te hnenah hian Computer hi an lo sem tawh a, a kum hmasa berah zirna In 15 te hnenah semin hemi hnu hian zirna In 6 te sem leh niin tunah hian Middle School 32, Block Resource Centre (BRC) pahnih leh SSA Girls Hostel, Chhingchhip te hnenah Laptop Computer leh Monitor lian hi pekchhuah leh a ni a, nimin a pekchhuah te hi Laptop Computer, Monitor (32 inch) leh UPS (1kV) te a ni a, a vaia hlutna hi Rs 58,400/- hu a ni.

Popular News

Mizoram-ah Faina Hapta hman \an leh a ni

Retailer bukna diklo 3 man