Serchhip bial |KP member ten thisen pe

Baptist Church of Mizoram (BCM) hnuaia Thalai Kristian Pawl (TKP) Serchhip Pastor bial te chuan Inrinni kalta (24th August, 2013) khan JN Hospital Blood Bank-a dah turin thisen Unit 45 an pe.

T|KP Serchhip Pastor bial te hian BCM Serchhip-a KNP Zir In-ah thisen hi pein JN Hospital Serchhip atangin Blood Bank Officer, Dr. Maria VL. Rosangi leh thawktu dang ten an thisen hi an lak sak a, thisen petute hi mipa 38 leh hmeichhia 7, an vaiin mi 45 an ni. Thisen pek hma hian inkhawm tawite neih niin TKP Serchhip Pastor bial Adviser, Pu C. Laldintluanga chuan a kaihruai a, he hunah hian Association for Voluntary Blood Donation (AVBD) Serchhip Branch hruaitu ten thisen pek pawimawh zia zirtirin he huna thu sawitu AVBD Serchhip Branch-a Asst. Secretary, Zonunsanga Kawlni chuan Serchhip damdawi In-a Blood Bank dah turin tunhma a\anga Serchhip mipui ten an lo nawr tawh thin thu a sawi a, hetianga Blood Bank dah a nih takah hian mipui ten tlawmngaia thisen pek chu kan tihtur ah kan ngaih a tul thu leh thisen pe kan awm loh chuan Blood Bank neih ringawt chu \angkaina a awmloh thu a sawi bawk. TKP Serchhip Pastor bial te hian kum 2011-2012 khan JN Hospital Blood Bank-a Kohhran Thalai hminga thisen pe hnem ber lawmman an lo dawng tawh a, nikum 2012-2013 chhung khan lawmman pahnihna an lo dawng tawh bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man