Serchhip-ah Jay Jawan Stall sak hna thawh mek a ni

Ex-Servicemen Serchhip Unit chuan Serchhip-ah Jay Jawan Stall sak hna an thawk mek a, tun thla chhung hian zofelin thla thar khian hawn hman beisei a ni.
Serchhip Unit Ex-Servicemen te hian Serchhip-a Health Department ramchhung, Tuizemdumkawn leh Tuikhuah Veng inkarah Jay Jawan Stall hi Assam Type, a dung ft 24 avang ft 15 a lian in an sa a, a hmun hi Jay Jawan Stall sak na tur atan hian kum 20 chhung hman hawh tir an ni. A building hi Pucca Building a sak tum a ni a, a sakna tur hi Central Defence ah dil in tunah hian File a kal mek a, chumi hma in MLA fund Bialtu MLA Pu Lal Thanhawla’n Rs. nuai 2 a pek atang in Assam Type Building hian an sak lailawk a ni. A building hi zopa chhiara chhawng 3 tur niin, Stall leh a tul dan anga hman tur a ruahman a nih bakah khawtlang tana tangkai thei tur ber a hman an tum thu Ex-Servicemen te chuan an sawi. Jay Jawan Stall sak hna hi nitin mi 10 rual velin thawkin, tunthla hian sak zawh hman an tum a, thlathar ah hian luah theih tura peih felin ropui taka hawn an tum a ni

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn