Serchhip-ah DHO Office building sak thar Chief Minister Pu Lal Thanhawla’n a hawng.
Horticulture Department in cheng nuai 60 vel senga Serchhip Chanmari Veng a Divisional Horticulture Officer (DHO) Office an sak thar chu nimin (9th Aug. 2013) khan Chief Minister, Pu Lal Thanhawla chuan a hawng.


    Serchhip-a DHO Office building sak thar hawnna hunah hian Chief Minister, Pu Lal Thanhawla chuan ram \hang mekah Agriculture & Allied Service chu kan innghahna a nih thu a sawi a, India ramin Horticulture lamah nasa taka hma a sawn thu sawiin, chutih rual chuan kan intih ngelngheh zel a pawimawh thu a sawi a, kan tum ang erawh chu kan la thleng phak lo tih sawiin, hetianga hma kan sawn mek laia Serchhip-ah building \ha tak hawn a ni thei chu lawmawm a tih thu a sawi a, mipuite pawhin hetiang thil tha kan nei hi lawm nanchang an hriat a tul thu sawiin, he Office luahtu turte chu rinawmna, dikna, taimakna leh Pathian \ihna nen luah tura chahin mipuite pawh chumi chhimtu ni thei tura inpuahchah turin a chah a. Sum leh pai, ei leh bar-a kan intodelh lo chu Hnam zahawm leh ram zahawm lo a min siam tu a nih thu sawiin, chumi atanga talchhuah chu sorkar tum ber a nih thu a sawi a, kan intodelhna turin sorkar pawh inrenchem thei ang bera kalin mamawh tih tlem zel tum a nih thu leh \ul lova sum khawhralna te pawh kalsan mek a nih thu a sawi bawk.
    Horticulture Secretary, Pu T. Sangkunga kaihhruai he hunah hian khual zahawm, Pu KS. Thanga, Parliamentary Secretary pawhin Serchhip chu Chief Minister bial niin an vanneih hle tih a sawi a, kum 10 chhunga Serchhip bial chhunga hmasawnna hmel hmuh tur awm manglo nia lang chu tunah hian hmasawnna a zuan a zuangin, mirethei te erawh a zuankhum lo tih a sawi a, Aizawl tihloh District danga Center of Excellent hmasa ber chu Serchhip-a Lengte-ah cheng nuai 500 senga din mek a nih thu sawiin, inthlan hmaa hawn tuma theihtawp chhuah mek a nih thu leh District dangah te pawh Center of Excellent hi din zui zel tur ni mah se kuthnathawktute tuam tel an nih tawh dawnloh thu a sawi bawk. Nimin a hawn tak Serchhip-a Divisional Horticulture Office hi cheng nuai 60 vel senga sak niin Mizopa chhiara chhawng 4 (li) a ni a, a dung ft. 44 leh a vang ft. 33 niin kawng an leh kawng chung chiah hi Office atana hman tur a ni a, kawng

pui an hnuaichiah ah hian Training Hall tur awmin a hnuai berah Chokidar Quarters tur sak a ni bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai