Right to Education Act-2009 chungchang thlirin State Advisory Council \hutkhawm neih a ni.

Nimin (30Aug. 2013) khan Education Minister, Pu Lalsawta hovin State Advisory Council \hutkhawm neih a ni a, Right to Education Act-2009 hlawk leh awmze nei taka a kalpui chhunzawm zelna tur chungchang an sawiho.

    He \hutkhawm Education Minister Pu Lalsawta hova a Office Chamber-a neih ah hian Education Minister Pu Lalsawta chuan State Advisory Council din chhan sawiin naupang kum 6-14 ten a thlawna lehkha an zir ngei ngei theihna tur-Right to Education Act-2009 chu sorkar-in hlawk leh awmze nei taka a kalpui chhunzawm zelna tura thurawn pe tu tur a ni, tih a sawi bawk. He Meeting-ah hian RTE Act-2009 kalpui a nih dan leh hmalakna hrang hrang a kalpui tawh leh kalpui mek te thlirho a ni a. He dan hian sorkar, deficit leh private sikulte zawng zawng a huam a, dan zawm tura a phut leh tihtur a tuk te pawh thuhmun vek an ni tih sawi langin, naupang te kutthawh a hrem emaw an rilru hliam tur zawnga hremna (corporal punishment) chelek \hin an la awm nia hriain, hei hi tihrem a \ul takzet a ni, an ti. Sikula naupang admit turin Screening test neih khap tlat a nih bakah hriattirna (notification) chhuah hmasa lova pawisa khawn (donation) te pawh he dan hmang hian khap tlat a nih thu tarlangin, RTE Act-2009 chu \ha zawka mipuiten an zawm theihna turin mipui inzirtirna darhzau zawka kalpui ni se an ti bawk.
    State Advisory Council-ah hian Education Minister chu Chairman niin Education Department Commissioner Pu K. Lal Nghinglova chu Member Secretary a ni a, Education Department-a mi pawimawh leh Health Department, Social Welfare Department aiawhte pawh Member ah hian an awm bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai