NLUP atan sorkar hnathawk hlawh an pawtlo tih sawi.
    Parliamentary Secretary (Horticulture), Pu KS. Thanga chuan NLUP atan Mizoram sorkar hnathawk hlawh pakhatmah an pawtlo tih a sawi. 

He thu hi Serchhip-a DHO Office building hawnna nimin (9th Aug. 2013) a neih ah sawiin Pu KS. Thanga chuan NLUP atan hian sorkar hnathawk hlawh tur pakhatmah pawhpen a awm loh thu leh NLUP sum chu sorkar hnathawk thenkhat te hlawh tur sorkar laipui atanga a rawn thlen hmain an lo hmang puk zawk thin tih a sawi a, mi thenkhat ten NLUP sem avanga sorkar hnathawk ten hlawh tur an neilo anga an sawi chu thu diklo a nih thu a sawi bawk. Hei bakah hian Pu KS. Thanga chuan NLUP atan hian sorkar laipui in cheng vbc. 2873.13 min phalsak atangin Rs. vbc. 1208.82 hman a ni tawh tih sawiin, kum 2015 thlenga kalpui tur a nih thu a sawi a, tuna Trade thenkhata hmala te chu a tharchhuah hmuh thuai theih a ni dawnlo tih sawiin, hei vang hian heng mite tuamhlawm nawn lehna turin sorkar chuan Exit Protocol a ruahman mek tih pawh a sawi a, he ruahmanna hnuaiah hian heng mite bakah hian theihtawp chhuaha NLUP-a hma la, engemaw harsatna avanga lei rem la rap theilo leh tuamhlawm nawn ngai te pawh \anpui theih an ni dawn tih a sawi a, sorkar laipui a\anga RKVY sum rawn lut mek te chu tuna an sorkar a\anga awm \an ni lovin a hma pawha awm reng, sorkar kaihruaitu ten a nachang an hriatloh avanga hmanloh a liam \hin a nih thu leh NLUP an kalpui avang chauha Mizoram in kan hmuh tak a nih thu a sawi bawk.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn