NFSM-Rice hnuaia hmalakna tur pawm

Serchhip District Food Security Mission Executive Committee chu nimin khan an Chairman leh District Bawrhsap ni bawk, Pi Juhi Mukherjee hovin an \hukhawm.

He \hutkhawm Serchhip DC Office Chamber-a neih ah hian National Food Security Mission (NFSM-Rice) Prog-ramme hnuaia District tin te Work Plan siam tura tih an nih anga Serchhip District tana Work Plan siam chu pharhin District Food Security Mission Executive Committee (DFS-MEC) in a pawmpui a \ul angin pawm a ni a, kuminah hian Serchhip District tan Cheng nuai 74.445 ruahman a ni. He sum ruahman hi hmalakna chi hrang hrang atana hman tur niin sum hmanna tur zingah hian System Rice Intensification (SRI), Improve Packaged of Practise(IPP) leh Hybrid Rice Technology hmanga Buh tam zawk tharna tura hmalakna atan te, buh enkawlna atana hlo kahna tur Sprayer leina te, tui mamawh pump-na tura Pumpset leina leh Tuikhuah siamna turte a tel a ni. District Food Security Mission Executive Committee (DFSMEC)-ah hian Agriculture Department, Food Civil Supply & Consumers Affairs Department, DRDA leh KVK aiawhte bakah YMA leh Farmer’s aiawhte pawh an tel a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai