Latest News

Sorkar dinglai Congress Party chu mipui mimir leh Sorkar hnathawk ten thlak an duh - MNF President Zoramthanga

MNF President Zoramthanga chuan Sorkar dinglai Congress Party chu mipui mimir leh Sorkar hnathawk ten thlak an duh tih sawiin, “Pu Hawla Sorkar ninna Hri angin a leng a ni,” a ti.

    He thu hi August ni 3, 2012 khan Tuahzawl, Rulpuihlim, Chungtlang, West Lungdar leh Reiek a tlawhnaah a sawi a, Pu Zoramthanga chuan MNF-in sorkarna a keng leh dawn a ni tih sawiin, sorkarna siam turin MLA 21 chu awlsam te-a neih a inrin thu a sawi a, MNF party chuan vanduaithlak takin Pu B. Lalthlengliana MLA-in a boral san tih sawiin, MNF chuan Bial 38-ah seat ruak a neih thu leh Tual\o party pakhata MDF MLA chhiar telin MLA bial 37-ah Seat ruak an neih thu a sawi a. MNF hotute leh Secretary rual \henkhatin kum eng emawzat kalta a\ang khan bial \henkhat hualin ‘perh an tar’ thu a sawi a. “Engemaw avanga enzui ta lo te, a chhan dang dang vangte in a tling ngei tura ngaih te’n bial an \hutchilh a ni,” tia sawiin, bial vil dûn te chu awm bawk mah se, party chhungkuaah chinfel theih loh candidate inchuhna a awm ve dawn lo, a ti bawk.
    Pu Hawla sorkar tlakna tur chhan point \henkhat sawiin, “Sum hai chhuak turin project siam an peih lo va, a awm sa an ring ringawt a, sum bawm a ruak a ni,” tiin, sorkar hnathawk, contractor, Supplier leh mipuiin an tuar nasa tawk tawh a ni, a ti a, Electric Eng chhiat vanga Chief Minister-in mipui a hnemnaah, “CM Bangla pawh a thim ve tho,” a tih te chu mipui a tham loh zia lanna a ni, a ti a. Gas harsatna a thlenin International Problem tiin, Gas Agent leh mipui mawhphurhnaah an nghat a, sum a harsatin India ram State dang an kâwk leh daih a, hetiang mawhphurhna mahni ko va nghat ngamlo hi ram hruaitu \ha ah mipuiin an ngai lo, a ti a. State Plan Fund chu a dang hmuh belhna hmanrua tur a nih thu sawiin, Central Plan Fund a\anga NE State pariatin cheng vbc. 6875 ang \heuha kan insem theiha awm chu project hmanga a haichhuak chak chakte ta tur anih avangin chu chu kan innghahna tur lian ber a ni ang, a ti bawk.

Comments

Popular News (Last 30 Days)