Latest News

Mizoram chhim lamah Tourist Lodge thar 4 hawn a ni.

Tourism Minister Pu S. Hiato chuan tunhnai khan S.Vanlaiphai, Darzo Bualpui ‘Ng’ leh Sangau khua ah te Tourist Lodge sak thar a hawng.
Heng Tourist Lodge hawnna inkhawm ah hian Pu S. Hiato chuan Mizoram a a ‘Ber’ pahnih Phawngpui Tlang leh Palak Dil te hian Mizoram chhimlamah khualzin mi tamtak a hip khawm mek a, Kolodyne Multi Model Transit Transport Project zawh a nih hunah phei chuan nasa takin ram pawn leh ramchhunga a\angin khualzin mi kan dawng dawn tih sawiin, Ngawi kan dawha sangha kan man ang hian, chung khualzin te abo abang awm lo va man turin, Tourism Department chuan Mizoram chhunga khawlian deuh chin-ah leh khualzin miten an tlawh rin deuh thingtlang khuaah te chuan Tourist Lodge 39 hmangin ‘Ngawi’an dawh mek tawh a, an la dawh belh zel dawn a ni, a ti a, Tourism a Mizoram tih hlawhtling tur chuan mipui ten hawihawmna leh rinawmna kan neih hmasak a ngai tih sawiin, sorkar nen \ang duna khualzin mite hip tura kan inphochhuah thiam a \ul tak zet tawh a ni tiin, Sikkim ho pawh tourism-a an hlawhtlinna thuruk nia lang chu an hawihawmna leh zin mi te hip tura an inpho chhuah thiamna hi a ni, a ti bawk. Tourism Minister Pu S. Hiato hian Aug. 29, 2013 khan S.Vanlaiphai-ah leh Darzo khuaah Tourist Lodge Cheng nuai 93.31 ve ve senga April, 2008 thlaa sak \an, March, 2010 a sak zawh tawh te chu a hawng a, hemi hma 28 August, 2013 khan Bualpui ‘Ng’ leh Sangau khuaah te Tourist Lodge cheng nuai 67.84 leh Cheng nuai 38.77 senga sak te a hawng bawk a ni.

Comments

Popular News (Last 30 Days)