Mizoram Assembly inthlanpui neih tur chungchang ECI aiawh leh tlawmngai pawl ten sawiho.

Kumin a Mizoram in Assembly inthlanpui a neih tur chungchang ah nimin (23rd Aug. 2013) khan Election Commission of India-a mi pawimawh te leh Mizoram a tlawmngai pawl aiawh bakah sorkar thupuangtute chu Aizawl-ah an \hukhawm.

    He \hutkhawm Aizawl-a I&PR Conference Hall-a neih ah hian Mizoram Chief Electoral Officer Ashawani Kumar, IAS chuan kumina Mizoram Legislative Assembly inthlanpui lo awm turah inthlanna fel leh fai, dik leh muanawm a awm theihna tur te, vote nei zawng zawng in vote an thlak ngei theihna tura \an la turin tlawmngai pawl te leh thuthar lakhawmtute thawhho puiah a sawm a, Sorkar lam chuan inthlanna thianghlim a awm theih nan dan hmangin \an nasa takin la mah se a hlawhtlin tak takna tur erawh chuan mipui thinlung hneh a pawimawh tih sawiin, CEO Pu Ashwani Kumar chuan tlawmngai pawl leh thuthar lakhawm tute hian dan leh thupek kengkawhtute tih theih bakah hna nasa takin an thawk thei a ni, a ti bawk. He \hutkhawm ah hian Election Commission of India aiawhin Director General PK Dash, Director General Akshay Rout, Director General Ashish Srivastav, Secretary SK Rudola, Secretary Sumit Mukherjee, Secretary NN Butolia te an tel bawk a ni.
    He \hutkhawm neih zawh a nih hnu hian Election Commission of India a\anga lo kal te hian Mizoram District tina DC leh SP te bakah Election kaihhnawih Officer te nen I&PR Conference Hall-ah vek training an neih pui chhunzawm a. Model Code of Conduct chung-chang te, Strong Room leh vote chhiar chungchang te bakah inthlan chuh tum hming pe te endik dan leh thil pawimawh hrang hrang an zirho a ni. He \hutkhawm ah hian Serchhip District Bawrhsap, Pi Juhi Mukherjee leh SP, Pu Romil Baaniya te pawh an tel a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai