Mizoram-ah JNNURM hnuaiah Project 18 kalpui mek a ni.

Sorkar laipui flagship programme pakhat Jawaharlal Nehru National Urban Renewal Mission (JNNURM) hnuaia Mizorama Project 18 kalpui mekah sorkar laipui chuan a tum tur Rs. 241,77,23,000/- a\angin Rs. 110,82,17,000/- a pe chhuak tawh a, State sorkarin a thawh ve tur Rs. 32,26,42,000/- a\angin Rs. 16,57,75,000/- a pe chhuak tawh bawk. 

UD&PA Department hotute sawi danin, JNNURM hnuaia hna kal mek atan hian Rs. 277,10,84,000/- ruahman a ni a, Project ah hian hna hi za zela 44 zawh fel tawh a ni a. Project \henkhat-ah Beneficiary-te tum ve tura tuk Rs. 3,08,01,000/- a awm a ni. JNNURM ah hian Urban Infrastructure and Governance (UIG) hnuaiah Rs. 130,97,16,000/- hmangin Greater Aizawl Water Supply Scheme Phase-I siam\hat hna, Urban Transport atana Bus lei , Vaivakawn a\anga University kawngpui km 10 leh metre 50 a thui tih len, Sihhmui a\anga Mizoram University panna kawng, Aizawl Ring road ni nghal tur km 16 leh metre 70 a thui leh Aizawl khawpui kawng tihlen leh siam\hat hna (Phase-I) kalpui mek a ni.
    Hei bakah hian Basic Service to the Urban Poor (BSUP) hnuaiah Rs. 91,31,13,000/- hmangin Chite, Lawipu, Rangvamual leh Durtlang-ah mirethei In sak hna kalpui mek a ni bawk a, JNNURM hnuaia Mission dang Urban Infrastructure Development Scheme for Small ang Medium Towns (UIDSSMT) ah Rs. 15,55,24,000/- hmangin Lunglei leh Serchhip-ah Greater Water Supply scheme kalpui mek a nih bakah Integrated Housing and Slum Development Programme (IHSDP) hnuaiah Rs. 39,27,31,000/- hmangin Lunglei, Champhai, Kolasib, Saiha, Serchhip, Mamit-ah te mirethei In sak hna kalpui mek a ni bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man