MHIP Kumpuan hawnna Aizawl-ah neih a ni

Mizo Hmeichhe Insuihkhawm Pawl (MHIP) kumpuan “Rorelna sang zawk ah Hmeichhiate a tam thei ang ber an tel theihna tura atana nasa leh zuala hma lak” tih chu nimin (27th Aug. 2013) khan MHIP Gen. Hqrs. President Pi Lalthlamuani’n Aizawl Vanapa Hall-ah a hawng.
MHIP Kumpuan hawnna ah hian Pi Lalthlamuani chuan ‘Kan ram rorelna sangah hian tel ve tumna mai ni lovin a tam thei ang ber kan tel kan tum tur a ni,’ a ti a, kan ram rorelna sanga tel ve tur hian midangte pawmtlak an nih a ngai tih sawiin, ‘MHIP member te hi miten engtiang in nge min hmuh? Kan ram rorelna a tel tur hian min hmutling em? Rorel tlak kan ni em? tihte hi keimahni \heuh kan inchhut ve tur a ni,’ a ti.
    Hei bakah hian Pi Lalthlamuani chuan ‘Chak zawka MHIP te hmalakna a kal zel thei nan leh kan ram rorelna a tel ve thei turin kan thawhpuite tlin lohna lai chuah hmu lovin an tlina zawk hriat sak tumin thawhhona \ha tak nen i \angrual ang u,’ tiin MHIP member te chu a sawm bawk. Nimin a MHIP kumpuan hawnna inkhawm Aizawl Vanapa Hall a neih hi MHIP Gen Hqrs. Vice President Dr.Thanpuii’n a kaihruai a, Gen. Secretary Pi Saipuii’n report pein Mizoram State Commision for Women Pi Lalnipuii chuan kumpuan sawihawnna a nei bawk. He hunah hian Aizawl khawpui chhunga MHIP Branch hrang hrang aiawh member te an kal \ha hle a ni.

Popular News

Mizoram-ah Faina Hapta hman \an leh a ni

Retailer bukna diklo 3 man