‘Mautuai/rawtuai khawrh/zawrh loh vanga chhuanchham YMA-in kan tuamhlawm ang.’ - YMA Sub-Hqrs.
YMA Sub-Hqrs. Serchhip chuan thuchhuah siamin Mautuai leh rawtuai khawrh/zawrh loh vanga chhuanchham an awm a nih chuan YMA in kan tuamhlawm ang, an ti.


Hemi chungchanga nimin (6th Aug, 2013) a thuchhuah an siam ah YMA Sub-Hqrs. Serchhip chuan Environment & Forest,Thenzawl Division leh YMA Sub-Hqrs. Serchhip tangkawpin ‘The Mizoram (Forest) Act,1955 sect.5(1) leh 24 (4)’ behchhana Mautuai/Rawtuai khawrh leh zawrh kan khap chhan sawifiahin Mautam avang te, ram kangin mautam rah chawr mek a kan hlum nasat avang leh mautuai khawrh nasat avangte in Serchhip district, a bik takin Serchhip leh a chhehvelah Mau leh Rua a vang ta em em tih tarlangin; mau ngat phei chu vawiin thleng hian sah leh hman tur a la awm lo tih an tarlang a, Thing leh Mau humhalha tipung turin YMA kumpuan ‘Ram leh Hnam humhalh’ kaihhruaina a hmalakna tura tarlan a nih thu tarlangin, ‘Mautuai/Rawtuai khawrh leh zawrh hi mi harsa zawkte sum hmuhna tha tak a nih E&F department leh YMA chuan a hre chiang em em. Amaherawhchu kan dinhmun thlirin mau/ruate tihpun phawt a, rei lote insum a, tam zawk leh man man zawka hralh tur nghah pun leh humhalh phawt a ngai a ni,’ an ti.
    YMA Sub-Hqrs. Serchhip thuchhuah chuan Mautuai leh rawtuai khawrh avanga a kum leha a pun leh a \han a \hat phah nia mi \henkhat in an sawi chu thil ni thei ah YMA chuan a ngailo tih tarlangin, ‘A tuai ber lak/ khawrh zawh zel a ni hian eng mau leh rua nge thang \ta a pung tur chu..?’ tiin hei hi thu puarpawleng-ah an ngai tih an tarlang a, ‘Retheite rahbehna ang dawn dawna kan hmalakna sawi hnawmtu an awm hi YMA Sub-Headquarters Serchhip chuan \ha kan ti lova. Kan hmalakna hi ram leh khawtlang tana thil tha a nih piahlamah retheite tan hlei hlei thil \ha a nih avangin hmalakna awm takah kan ngai lo thei lo va. Tin,YMA hi chanhai riang vaite puitu a ni zui zel ang,’ tiin an thuchhuah ah hian an tarlang bawk.

Popular News

Mizoram-ah Faina Hapta hman \an leh a ni

Retailer bukna diklo 3 man