Independence Day thlirlet leh ang aw..
- Zonuna Kawlni

    India ramin British awpna lak ata zalenna a hmuhna Ni champhaphak, India Independence Day, 2013 chu kar kalta khan kan hmang liam leh ta a. Nikum a India Independence Day kan hman zawh hnu khan he chanchinbu hmang hian Serchhip khua in he Ni kan hman dan thlirletna kan nei tawh a, nikum lama kan ngaihmawh \henkhat te tarlan nawn leh pahin kumin a kan hman dan te kan thlirlet leh dawn a ni.
    A hmasa berah chuan a hmun chungchang thu ah nikum lam khan mipuite tana kal a harsat \hin thu leh sum neilo chung pawha zirlai naupangte leh Special Item nei turte tana kalna senso a hautak thu kan sawi tawh a. Kumin ah hian a hmun ngai, Khawtetlang Field-ah bawk kan hmang leh a, sorkar lamin ruahmanna a siam \ha tawh a ni ngei ang zirlai tam ber te chuan harsatna an tawklo niin a lang a. Chutihrual chuan School pakhat a Parade turte chu an kalna tur ruahman fel sak an nilo nge, dar 10:30-a Programme \an tur a nih laiin dar 10:00 thlengin Bazar-ah an la awmkhawm a, hun tlemte chauh a awm hnuah rawn thlengin an thlen hnuah kan Announcer ten hmanhmawh taka tlar turin an ti leh nghal a, nakum lamah kan hmang leh a nih chuan Parade turte chu a hma lama an thlen theihna turin an kalna tur ngaihtuah fel a \ul hle. He School bawk hi Reharsal an neihna ah pawh an kalna tur ngaihtuah sak an nilo ni awm taka sawi a awm nghe nghe a ni.
    Tin, nikum lama kan sawi lar pakhat chu Special Item neitute hun hman rei thu kha a ni a, hei vang hian an hun hman tur chin pawh bituk hial a \ul thu kan sawi a nih kha. Kumin ah hian YMA Sub-Hqrs. Serchhip leh zirna In thlan bik te item nei tura tih an ni leh a, kan YMA ten hun an hmang rei leh pek kha Official zingah pawh sawisel an tam hle niin a lang a, chinfel theihloh a ni tihna ni tak maw...??? Tin, zirna In thlan bik te Special item nei tura beisei an nih laia Solo pakhat chauh kan nei ta mai erawh kha chu duh ai chuan a tlem deuh niin a lang a, amaherawh kha chu a zai ah chuan sawisel tur a awm lemlo thung. Kan National Day-ah hi chuan zaithiam zingah pawh ‘Top’ deuh hlek lo chu an zai tir ngai meuh lo niin a lang bawk. Tin, National Day hi Mizote ta chauh a nilo tih hriain Hnam hrang hrangte nunphung pholang thei tura hman hi thil \ha zawk a ni angem..???
    Nikum lama kan sawilar ber pakhat chu kan Announcer te chungchang a nih kha maw.. Kumin chuan tlemin hma kan sawn ta deuh niin a lang a, \awngkam chuangtlai tak tak leh National Day-a \awngkam hman loh atana \ha tur nia ngaih hman te a awm ta lemlo niin a lang. Chutihrual chuan kan Programme an kaihhruai dan erawh kha chuan duhthu ala sam tawklo hle thung a ni. Khuallian thusawi a zawh hnuah lawmman semin National Anthem sain hun kan hmang a, chumi hnua Special Item pahnih chauh kan dah leh si ai kha chuan lawmman sem hma khan khang Special Item nei turte kha koin chumi zawh ah lawmman sem ni ta zawk se, heng ho zawng zawng zawhah hian National Anthem nen khan hun hman titawp zawk ta se a fuh zawk in a rinawm bawk. Hemi kawngah hian Celebration Committee lam pawhin Programme hman dan tur hi hrilhfiahin an kaihhruai deuh a \ul.
    Tin, kumin ah hian kumdanga la thleng ngai meuhlo thleng chu hun kan vawng diklo lutuk kha a ni awm e. Hun tiam awmsa reng leh Khuallian tur pawh Serchhip-ah a riah tawh reng laia darkar chanve dawn-a kan tlai kha chu thleng nawn tawhlo se a duhawm hle. Tin, Khuallian in hun reilote chhung chauh thu a sawi kha a lawmawm a, zirlai Parade turte tan pawh a thawven thlak deuhin a rinawm a, luhai vanga tlu pawh an tlem ta hle bawk. Tin, kumin ah hian he Ni puala thilpek sem ah fahrah enkawlna Home pakhat chu an telh velo nia sawi a awm bawk a, nikum lam khan he Home bawk hi Committee lam hian an lo hmaih tawh bawk nia sawi a ni a, amaherawh chu tel tura ngaih sa a nih avangin kan sorkar thuneitute khan pe turin an ti a, kumin ah erawh chuan an telhlo tlang ta ni awm tak a ni a, Committee a tel te hian ngaihtuahna thuk zawk seng mawlh tawh teh se..
    Nikum lama Programme-a dah a nih loh avanga hmun hrana khelh tak, Independence Day Football Final erawh kumin hian Programme-ah dah thlapin a hmun ngai ah Final khelh a ni ta a, a lawmawm a, mipuite pawhin kan ngaihlu bawk kha a lawmawm lehzual bawk. Chutihrual chuan Programme kal reng laia Pavillion zawn vela Line an lo rin \ha erawh kha chu kumdang ah chuan tihzui tawhloh ni thei se a duhawm zawk khawp mai.
    Heng a chunga kan sawi te hi mi zawng zawng thlirna a nilo tih erawh hria ila, mi tute emaw demna leh sawiselna ni lovin kumdang zelah he Ni hi mipui ten tun aia uar leh neitu chan chang chunga kan hman theihna tur thlir chuSnga ziah a ni tih chhiartu ten kan hre reng dawn nia.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai