HEPATITIS ‘C’ ENKAWLNA CHANGTLUNG NEI TURIN SORKAR NGEN
Hepatitis C natna neite leh HIV positive pawlte leh a enkawltu pawlte chuan, Hepatitis C chu enkawl dam theih a nih thu an sawi a, hepatitis test-na hmanrua changtlung zawk nei turin sorkar an ngen. Aizawl Civil Hospital blood bank-a thisen petute zinga za zela 3 atanga 3.5 vel chu Hepatitis C natna nei niaa hriat an nih thu an sawi bawk.

Hepatitis C chungchangah hian PNM, PWNM, M+, MDUF leh YWCA hruaitute hian nimin Aug.ni 16, 2013 khan Aizawl Press Club-ah Press mite an kawm a, Blood bank-a thisen pek za zela 1 aia tam, Hepatitis C hrik awmna a nih tawh chuan, he natna hi darh hle tawh tih hi mi thiamte ngaihdan a ni an ti a, hemi bakah hian Aizawl Civil Hospital-a thisen petu zinga za zela 2.5 atanga 3 chu Hepatitis-B vei, za zela 0.4 chu HIV positive niin an sawi bawk a, heng mite hian natna khirh tak an nei tih an inhre lo niin an sawi.

PNM, PWNM, M+, MDUF leh YWCA hruaitute hi Synod Hospital-a Grace Home enkawltu, Dr RL Sanghluna’n a tawiawm a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai