General Election-a Media-a sum hman tur chungchang sawiho.

Kumin a Mizoram Assembly inthlanpui neih tura Media Certificate & Monitoring chungchang ngaihtuah in Champhai District-ah chuan niminpiah khan sorkar mi pawimawhte an \hukhawm.
He \hutkhawm ah hian Pu Lalthangpuia Sailo, Committee kaihhruaitu chuan Media Certificate & Monitoring Committee kalphung hrilhfiahin General Election lo awm tur atana tih tur leh tih loh tur te a sawi a, thil fello awm thei laka khauh taka dan zawm a \ul thu a sawifiah bawk. He hunah hian Pu Mark Lalthanliana, Election Officer, Champhai District chuan media hrang hrangte hriattur sawiin, candidates leh a lam\ang ten chanchinbu leh a dangte chu \anghma a tan emaw a khingpui sawi chhuahna atan emaw a pahnihin emaw a hman chuan committee in candidate senso ah telh zel a nih tur thu a sawi a.General Election lo awm tur atan hian candidate te chuan inthlan a an hmanral theih chin cheng nuai 8 nomination an file hma ngeiin Bank-ah deposit tur a ni a, an deposit hmang chuan an senso reng reng cheque hmangin an pe chhuak tawh tur a tih a nih avangin chanchinbu emaw cable TV emaw a an senso te pawh cheque hmanga pek vek tur a ni tih a sawi a, Chanchinbu leh Cable TV hmanga an puanzar duhte chu (Press Release) Media Certificate & Monitoring Committee in a pawmpui hmasak vek a ngai tawh dawn tih a sawi bawk.
    General Election-ah hian candidate tinte sum hman theih zat chu Rs. Nuai 8  niin, hemi bak hman phal a ni lo a. Print media leh electronics media hrang hrang hmanga candidate ten anmahni insawimawina chu candidate te senso ah pawm tur a ni. Media hrang hrang ten tan lam neih vanga candidate an lo fakmawi emaw sawichhiatna pawh in cash/in kind ah Media Certificate & Monitoring Committee chuan a pawm vek tawh dawn a, chu chu candidate te senso ah telh zel tur a ni.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni