Latest News

DUHSAKNA CHIBAI
- C.Lalhminghlua,
Editor, Laisuih


    Zan khua a lo tlai a, kawlah ni a her liam laiin, mi fate chu hahchawl turin mahni in lam an pan \hin a ni ngai a. Keini ho ve zawng kan hna a in\an vanglai dawn chauh a ni si a. Kan hna pawimawhna hria inti te lahin min fak mawi lam ai chuan kan fel lohna an chuk chat chat a, khawlaia zu rui polite tawn fuh loh chang lahin, ‘in dawih ka ti, chu pawh chu in chhuah lova, chutia tihawm chu alawm’ te an lo ti thlazen bawk nen. Hnial chiam chi si loh, ‘chhuah ve ngat la eng i an ka va ring bil bel lo e aw’ tih mai ka chak \hin. Mahse, zu rui, harh fimlo khin chiam te chu kan ti deuh bawk \hin si.
    Ni e, chanchinbuah ngat hi chuan Mizoram khawpui kan hnaih lutuk hi chu pawi tak a ni. Ti ve chiamin, \an han la ngial mah ila, Aizawl thlazar hian min dip ria tlat a, awmze nei lova \an lak chiam chu thil tih chi ni chai hek lo le. Heti mai hi kan dinhmun chu ala nih rih hlawm hi. Heti chunga Serchhipa chanchinbu upa berin a kum 32-na a thleng leh ta hi, Zova reng reng pawh hi a lo tih mi phian hi maw le. A pa liam rual khan he chanchinbu hi a liam ve mai dawn emaw kan ti rawk a, a teuh lo mai. Kan beisei chanchin thar ber ber tichhuakin lenkawlah a eng mawi thar han hmuh hi thil lawmawm tak a ni. Vawin ah hian Lenkawl chhungkua duhsakna sang tak hlanin chibai ka buk e.

Comments

Popular News (Last 30 Days)