Chief Minister in Tuivai lei dawh a hawng
Phullen leh Phuaibuang leh a chhehvel khuate inkalpawhna tur, Phullen atanga 25 Kms vela hlaa awm, Mizoram Public Works Department (PWD) enkawl, Tuivai Lei, Built Up Girder Steel Bridge chu niminpiah khan Chief Minister Pu Lal Thanhawla chuan a hawng.
 

He hunah hian Pu Lal Thanhawla chuan hmasawnna a lo kal dawn in mipui ten alo dawnsawn dan kan thiam a tul tih sawiin, Phullen leh Phuai-buang inkar kawngpui black topped tur pawh mipui ten a thawktu turte \ha taka lo \awiawm a, a \ul apianga lo pui turin a chah a. ‘Thil \ha kan duh anih chuan kan tih tur leh tih loh turah kan chian angai a, he Lei hi tlo tak leh \ha taka hman anih theih nan helai Tuivai kuala chengte an pawimawh hle dawn a ni,’ a ti bawk.
    Tuivai Lei hi 73.20 metres a sei a ni a, kum 2002 September thla khan Guwahati a Buildworth Pvt Ltd in a dawh hna bul tanin, kum sarih chuang zet chhung pawha an dawh zawh theih loh avangin chawlh tir an ni a, kum 2010 December thla khan Guwahati company tho Mechfab Engineering Industries Pvt Ltd chu hna chhunz-awm tir an ni a, November 2012 khan dawh zawh fel a ni. A senso zawng zawng hi avaiin Rs. 316.71 Lakhs hman a ni. A chhuat hi reinforced cement concrete a ni a, a kawng zau zawng hi 4.25 metres a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai