Latest News

Buh tam zawk thar nan Serchhip District-a buh chin te enfiah hna thawh mek a ni.

Mizoram sorkar Agriculture Department in Buh tam zawk thar  a nih theih nana hma a lakna a Serchhip District chhunga sorkar ruahmanna anga buh chin te chu tunlai hian a enfiah hna thawh mek a ni.

    Agriculture Department hian buh tam zawk thar a nih theih nan hian kumin hian Serchhip District chhungah SRI hnuaiah ram 300 hectare, IPP hnuaiah 800 hectare, Hybrid Rice Technology (HRT) hnuaiah 250 hectare leh Improved Jhum hnuaiah ram 500 hectare a zau ah buh chin mek a ni a, heng sorkar ruahmanna hnuaia buh chin te hi Directorate of Agriculture (Crop Husbandry) in ruahmanna a siam angin niminpiah a\ang khan Monitoring Team ten rawn enfiahin rannung chi hrang hrang ten heng buh chin a tihchhiat lohna tur atan hian hma an la mek a ni. Serchhip District-a Buh chin te enfiah tur hian Pu Lalchhanliana, Executive Engineer leh Pu C. Lalnithanga, Asst. Plant Protection Officer te rawn kalin niminpiah khan Thenzawl leh a chhehvel-a buh chin te an enfiah tawh a, nimin khan Serchhip Zawlpui zau a buh chin te chu a hmunah enfiahin loneitute nen Zawlpui-a Agriculture Farm House-ah inkawmna neiin buh chingtu ten harsatna an tawh chi hrang hrang te an zawtfiah a, hemi hnu hian buh hmun ah kalin kumin a buh chin \hang mek rannung ten an beih dan leh heng rannung te beihlet dan tur a takin an zirho nghal bawk a ni. Directorate of Agriculture (CH) a\anga lo kal te hi DAO Pu James Lalsiamliana, Subject Master Specialist, Pu VL. Hmangaihchhunga, Agriculture Extension Officer, Pi Mary Lallawmkimi leh thawktu dang ten an lo dawngsawng a ni.
    Nimin a inkawmhona neih ah hian Agriculture Department-a Officer te chuan kuthnathawktute taimakna leh \hahnem ngaihna avangin Serchhip District chu an Department in an hmelhriat \ha hle tih an sawi a, Department-a mithiam ten buh leh thlai chin dan tur an sawi te kuthnathawktu ten \ha taka an zawm \hin chuan rah \ha tak a chhuah mek nia an hriat thu an sawi a, hetianga hmasawnna a awm chhoh zel chuan tun aia nasa zawka kan intodelh theih zel an beisei thu an sawi a. Chutihrual chuan kuthnathawktu ten harsatna an nei a nih chuan Department hotute a rang lama hriatir nghal zel turin an ngen nghal bawk a ni.

Comments

Popular News (Last 30 Days)