Observer-in E-roll special revision enfiah

Electoral Roll Special Revision neih meka Serchhip District tana Observer tura ruat, Pu P. Lalchhuanga, IAS chuan nimin (10th July, 2013) khan Serchhip rawn tlawhin Electoral Roll Special Summary Revision, 2013 kalphung a rawn enfiah a, sorkar Official leh mi pawimawh te a kawm nghal bawk.

Serchhip DC Office Chamber-a inkawmkhawmna an neih ah Pu P.Lalchhuanga chuan Electoral Roll siam chungchanga thil tihsual lai chauh rawn zawng anih loh thu sawiin, \ha tak leh felfai taka hmalak anih theih nana ruahmanna siam pui chu a tum ber anih thu a sawi a, a hmuh chinah Serchhip District chhunga Electoral Roll Special Summary Revision kalpui dan chu felfai a tih thu leh lawmawm a tih thu a sawi a, mipuiten vote thlak theihna ‘Right’ an neih, dik taka an hman \angkai hi Democracy lungphum anih avangin a pawimawh hle a ni, tiin India khua leh tui dik tak kum tling te Electoral Roll a an chuan kim ngei theih nan fimkhur taka leh taima taka hnathawh a \ul a ni, a ti bawk. Electoral Roll Observer chuan Election Official te chu an hna ngaipawimawh thar lehzual tura chahin, Election kaihnawih a chanvo nei official zawng zawngte chu Election duty a an kalin Election Commission-ah deputation an kal an ni tih in hria a, khawtlai (delay) leh hlawhchham (failure) awmlo tura theihtawp chhuah turin a ngen nghal bawk.
    District Election Officer Pi Juhi Mukherjee, IAS pawhin Polling Station hrang hrang a Sex Ratio inthlau lutuk te, Age Group hrang hrang performance inthlau te a awm anih chuan uluk taka zirchian a siam \hat dan ngaihtuah a pawimawh dawn a ni, a ti a, mitthi leh pembo te Draft Roll a\anga paih loh an tam \hin chuan inthlan hunah voters turnout (vote thlak zat) percentage a tihhniam nasat \hin avangin, performance chhia anga lan a awl \hin a, hemi lamah hian chak leh zuala hma la turin NGO te leh Political Party hrang hrangte a ngen a, Election Commission of India in Polling Station tina Booth Level Agent dah tura Political Party hrang hrangte dah tura a ngenna chu tihlawhtling turin Political Party te a ngen bawk. Kumin January ni 1-a kum 18 tling chin te tana Electoral Roll-a inthunluhna hun hi tun thla ni 15 thlengin hawn mek a ni a, Election chungchanga zawhfiah duh nei tan DC Office Election Branch ah Hotline no. 1950 (toll free) dah a ni a, man chawi lovin hriatduh apiang zawh theih reng a ni bawk.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni