Kum 6 kalta chhungin Serchhip District chhunga Motor lian 25 chesual

KUM 6 CHHUNGIN SERCHHIP-AH LIRTHEI CHESUAL TAM
Kum 6 kalta chhung khan Serchhip District chhunga Motor lian (407 Truck chin chunglam) 25 te chuan Accident an tawk a, lirthei chetsualna tam lutuk avang hian Inrinni (29th June, 2013) khan fimkhur a tul zia inzirtirna chu Serchhip-ah neih a ni.


Kum 2007 a\ang khan Serchhip District chhunga Motor lian te hian vanduaina tawkin chetsualna a thleng zing hle a, kum 6 kalta chhunga lirthei chesual 25 zinga 12 te hi kawngthlang a lirthei tlanliam niin heng zinga 10 te chu Serchhip Town chhung ami niin Khawlailung leh Kei\um lam Motor pakhat ve ve a awm bawk a, heng vanduaina thleng avang hian mi 2 in nunna an chan bawk nia hriat a ni. Hetianga Motor lian chetsualna thleng a tam lutuk avang hian Serchhip District Truck Owners’ Association chuan Inrinni khan Serchhip Hmar Veng YMA Hall-ah fimkhur a \ul zia inzirtirna an buatsaih a, he hunah hian Pu Lalthanpuia, MVI chuan Mizo Driver te zingah zu inlo chu mi tlemte chauh an nih thu sawiin, driver ten rui chunga lirthei an khalh avangin chetsualna tam tak a thlen tawh thu a sawi a, rui chunga lirthei khalh chu dan in a khap leh man theih, pawisa chawia lung In tan thlenga hrem theih a nih thu a sawi a. Driver Senior leh lirthei khalh thiam te chuan lirthei an khalh chak ngailo tih sawiin, chak tak taka lirthei khalh hi mawl vang leh at vang liau liau a nih thu a sawi bawk.

Serchhip District Truck Owners’ Association President, Pu F. Vanlaltluanga kaihhruai he hunah hian Serchhip Traffic OC, Pu T. Vanlalhnaia pawhin lirthei khalhtute tan fimkhur a \ul zia tarlangin, Driver te chu zu za man vel leka an lirthei cheng nuai tam tak man thleng lo turin a chah a, Truck chu passenger phur tur an nih loh thu sawiin, mipui rawngbawlna atana feh hawng an phurh \hin avangin hriatthiamna an neih thu leh amaherawh chu an mawhphurhna a san zia hre reng turin a chah a, lirthei tlanchak lutuk, mipui himna tichhe thei nia an ngaih te chu an man \an dawn niin a sawi bawk. He Awareness Campaign-ah hian Serchhip District chhunga Truck neitu leh khalhtu mi 60 vel an tel a, ZDU Sub-Hqrs. Ser-chhip-a Secretary, Pu Lalthlanthanga Chawngthu leh Truck neitu aiawh Pu B. Lalbiakvela te pawhin thu an sawi bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai