Posts

Showing posts from 2013

Agriculture Department Staff ten thilpek hlan

Serchhip-a Agriculture Department-a thawkte chuan ‘Samari Mi\ha Bawm’ an siama sum leh pai tlingkhawm hmangin nimin khan Old Age Home, Orphanage Home leh Zoar Deprived Children Home-ah te Buhfai bag khat leh Alu bag khat \heuh Krismas thilpek-ah an hlan a. Hei bakah hian JN Hospital Poor Fund-ah Rs. 1500/- leh Veng hrang hranga mi 5 thlanchhuah te hnenah Rs. 1000/- \heuh an hlan bawk a, heng thilpek te hi Pi Mary Lal-lawmkimi, AEO hovin DAO Office-a thawktu ten an hlan a ni.

Sorkar in ruat thar zel

Congress kaihhruai sorkar chuan sorkar hna pawimawh thawk turte a ruat thar zel a, Minister hlui Pu JH. Ro\huama chu Cabinet Minister rank-in NLUP Implementing Board Chairman atan ruat a ni a. Pu S. Lal-dingliana chu Lunglei High Power Committee Vice Chairman atana ruatin Pu T. Sangkunga chu Youth Commission Chairman-ah dah a ni a, Pu John Siamkunga chu Law Commission Chairman atan ruat a ni bawk. Hetihlai hian Mizoram State Planning Board Vice Chairman atan Pu H. Liansailova (Ex-Minister) chu ruat a ni a, he hna chelh tur hian Appointment Order pawh tihchhuah ni tawhin nimin khan rinawmna thu tiam tira lakluh a ni. Pu H.Liansailova hi Cabinet Minister rank pek a niin a hlawh leh facility dangte pawh Cabinet Minister angin a dawng ang.

Parliamentary Secretary te lakluh an ni

Nimin khan Aizawl-a Assembly Conference Hall-ah Mizoram sorkar-a Parliamentary Secretary tura ruat thar 7 te rinawmna thutiam tira lakluh an ni.

Mizoram Legislative Assembly House-ah Larsap thusawi-a lawmthu sawina Motion pawm.

Nithum awh Mizoram Legislative Assembly 7-na \hutkhawm vawikhatna chu nimin khan tiamchin awm lova tihtawp a ni a, niminpiah a House chhunga Larsap thusawi chungchanga lawmthu sawina Motion chu sawiho a nih hnuah pass a ni.

Assembly Deputy Speaker atan Pu R. Lalrinawma thlang.

Nimin a Mizoram Legislative Assembly \hutkhawm ah Aizawl East-I bialtu MLA, Pu R Lalrinawma chu Deputy Speaker atana chuhtu awm lovin tlingah puan a ni.

NLUP tanpuina sem leh tan

Serchhip-a Fisheries Department chuan nimin khan a\ang NLUP 2nd Phase dawngtute hnenah MOP leh Urea an semchhuak a, Fisheries Department hnuaiah hian NLUP 2nd Phase-ah \anpuina dawngtu mi 84 awmin MOP bag khat (1) leh Urea bag hnih (2) sem a ni a, Chinai thi (Slake Lime) pawh a duh tan lak theih a ni bawk a ni.

Kawchhung cheiloh rel

Nimin khan Serchhip DC’s Meeting Room-ah SDO (Sadar) Pu Lawm-kima, MCS hovin sorkar Department hrang hrang aiawhte \hukhawmin Krismas leh kumthar vuakvet-a khawpui chhung hmun hrang hrang chei chungchang sawihoin, tunhnai maiah inthlanpui neih anih avang te, hun a chep tawh avang leh sum leh pai harsatna te avangin kumin chuan khawpui chhung hmun hrang hrang te hi cheiloh mai nise an ti. Hetihlai hian Serchhip Kawnpui South Branch YMA chuan mi tlawmngai te sum leh pai thawhkhawm hmangin Bazar vel an chei tawh thung a ni.

Assembly House-ah Larsap in thu a sawi.

‘NLUP chhunzawm zel a ni dawn’ - LarsapMizoram Legislative Assembly 7-na \hutkhawm hmasa ber neih mekah nimin khan Larsap, Pu Vakkom Purushothaman chuan member thlan tharte hmaah thuchah a sawi.

Serchhip news tawi :

VC in inhlawhna siam

Assembly 7-na \hutkhawm hmasa ber neiin Assembly Speaker atan Pu Hiphei thlantlin a ni.

Mizoram State Legislative Assembly 7-na \hutkhawm hmasa ber chu nimin khan neih \an a ni a, nimin a Session \an Ni hian Palak bial a\anga thlan tlin Pu Hiphei chu Mizoram State Legislative Assembly 7-na Speaker atan chuhtu awm lova tlinga puan a ni.

MZP in an hruaitu hlui MLA leh MP-a thlan te chawimawi.

MZP Gen. Hqrs. President, Pu Lalhmachhuana chuan kan ram chhungah remna tak tak a awm theih nan MZP chuan a tawp thleng in hma a la zel dawn a ni, a ti.

NLUP sem chhunzawm dan tur sawihona neih a ni.

Nimin khan NLUP Line Department aiawhte leh NLUP Implementing Board (NIB) hotute chu \hukhawmin NLUP sem chhunzawm dan tur an sawiho.

TV leh Gas Cylinder chhar a ni !!

Inrinni kalta zing khan Serchhip Chanmari Veng leh Venglai inrina kawrh-ah Television (Samsung) leh Gas Cylinder bur ruak chu chhar a ni a, he thil hi misual tute emaw tih ni ngeia hriat a nih avangin Police te hriattir niin Police, VC, YMA leh VDP ten an chhui hnuah Pu MC. Lal\anpuia, Serchhip AOC Veng-a Pi Saimawii Sailo te In luahtute ta a ni tih hriat a ni a. Pu Lal\anpuia hi Govt. Higher Secondary School, Serchhip-ah Lecturer niin chawlh hmangin an khua (Far-kawn) lamah an haw mek a, heng thil latu nia rinhlelh hi Police te chuan an man tawh a, chhuichian mek a ni.

MPCC President Lal Thanhawla kaihhruai Mizoram sorkar thar lakluh a ni.

Inrinni kalta Dec. 14, 2013 khan Pu Lal Thanhawla kaihhruai sorkar thar chu lakluh a ni ta a, Chief Minister lakluh a nih rual hian Cabinet Minister atan mi 7 leh Minister of State atan mi 4 lakluh an ni bawk.

Mizoram eiruknaa fihlim State a nih thu Chief Minister in sawi.

Mizoram Chief Minister atana lakluh thar Pu Lal Thanhawla chuan Mizoram chu eiruknaa fihlim state a nih thu a sawi.

Mi tlawmngai in thisen pe

Facebook-a Special Group in member nuaikhat an neih lawmna atana Mizoam puma thisen pekna hun nimin a an buatsaih ah JN Hospital Serchhip-ah pawh thisen pekna hun hi buatsaih niin mipa 11 leh hmeichhia 3, an vaiin mi 14 ten an thisen an pe a, heng mi tlawmngai te hi Blood Bank-ah kalin thawktu ten an thisen hi an lak sak a ni.

MJA Gen. Hqrs. in tlawh

Mizoram Journalists’ Association (MJA) Gen. Hqrs. President, Pu C. Lalrambuatsaiha chuan niminpiah khan zankhat ziakin Ser-chhip District MJA te a rawn tlawh a, nimin khan Serchhip District MJA Member te nen inkawmna hun neiin hetah hian Press Accreditation chungchang te, Journalist’ Welfare Rules chungchang te, Chanchinbu te tana RNI chung-chang te leh Advertisement chung-chang bakah MJA hmalakna hrang hrangte an sawiho a ni. MJA President hi MJA Gen. Hqrs. a\angin Secretary pakhat in rawn \awiawm in hemi hma hian Lunglei leh Hnah-thial a tlawh bawk a ni.

E. Roll Revision atan training neih a ni

Nakum January ni 1-a kum 18 tling chin te laa Electoral Roll siam \hat tur atan nimin khan Serchhip District-a BLO te tan training neih a ni.

BPL chhungkua ten eizawnna an neih theih nan SJSRY hnuaiah training zawhfel leh a ni.

SJSRY hnuaia Serchhip District chhunga BPL chhungkua ten eizawnna nghet an neih theihna tura training chhuak mi 65 te hnenah nimin khan Certificate leh hmanrua sem an ni.

Legal Services Authority in mi 339 te Ukil rawih sak.

Kumin August leh October thla chhungin Mizoram State Legal Services Authority chuan thubuai nei Ukil rawihna tur nei lo mi 339 te tan Ukil a rawih sak thu State Legal Services Authority Member Secretary, Pu Thanglianmang Guite chuan a sawi.

Krismas hmaa rukbo te chhuah phut

YMA Sub-Hqrs. Serchhip chuan Tuikuk hel nia hriat ten Nov. 23, 2013-a Dampa ngaw a\anga mi 3 an rukbo te chu chhuah thuai an phut thu an sawi.

Assembly inthlanpui result hriat kim theih a ni. INC in seat 85% zet lain sorkar siam dawn.

Mizoram Legislative Assembly inthlanpui neih ah bial hrang hrang result hriat kim a ni ta a, Indian National Congress (INC) chuan seat 40-ah seat 34 lain sorkar thar an siam dawn a ni.

HIV/AIDS dona kawnga hmalak dan thlirletna nei.

Nimin khan I&PR Auditorium, Aizawl-ah Mizoram State AIDS Control Society (MSACS) thawhpui NGO (Non Government Organization)-te kumkhat chhung hnathawh thlirlet a ni a, Mizoram hmun hrang hrang a\angin tumbik (Target) nei a HIV/AIDS darh zel tur venna kawnga hnathawktute an lo kal khawm a ni.

Sipai lak runpui neih turah inbuatsaihna kalpui mek a ni.

Nakum January ni 15 a\anga ni 17 thleng khian Rajiv Gandhi Stadium Mualpui-ah Sipai Lak Runpui buatsaih a ni dawn a, he Sipai lak runpui-ah hian Mizo \halai a tam thei ang ber an tlin theihna turin hmalak mek a ni.

Mipui ten vote thlak \ha leh

Election Commission of India thupek angin nimin khan EVM chhiat vanga vote chhiar theihlohna, Lawngtlai District chhunga 38-Lawngtlai East huamchhunga Polling Station Number 30-|ialdawngilung ah nimin khan mipui ten vote an thlak \ha leh.

CLP Leader atan Lal Thanhawla thlan a ni. Dec. 14, 2013-ah sorkar thar lalut dawn.

Congress Lagislature Party (CLP) chu nimin khan \hukhawmin Congress Legislature Party (CLP) hruaitu atan MPCC President, Pu Lal Thanhawla chu thlan a ni.

10th Premier Schools Exhibition neih \an a ni.

Nimin khan Premier Schools Exhibition vawi 10-na chu Aijal Club-ah neih \an a ni a, Pi Esther Lalruatkimi, Secretary to Govt. of Mizoram chuan he Exhibition hi a hawng a ni.

Congress hruaitu ten thuthar lakhawmtute an kawm.

MPCC President Pu Lal Thanhawla leh AICC Gen Secretay, hmarchhak state bialtu Luizinho Faleiro te chuan thuthar lakhawmtute hmaah Inrinni hian sorkar thar siam anih tur thu an sawi.

Hmalakna chhunzawm turin hun pek vang ni ah ngai.

MPC Party President, Pu Lalhmangaiha Sailo chuan Assembly inthlanpui neih taka Indian National Congress (INC) hneh taka thlantlin an ni chu kum 5 chhung sorkarna an chan chhunga Zoram hmasawnna atana an hmalakna leh hmachhawp la tih hlawhtlin loh tam tak te an thawh chhunzawm theihna tura mipui in hun an pek vang nia a hriat thu a sawi.

MPCC in inthlanpui a hnehna chan an lawm. Governor in MPCC President lawmpuina a hlan.

Mizoram Pradesh Congress Committee (MPCC) President, Pu Lal Thanhawla chuan Assembly inthlanpuia an party in hnehna a chang chu lawmawm a tih thu sawiin, an party Workers te thawhrah liau liau a nih thu a sawi.

Vawiin ah vote thlak \ha leh dawn

Lawngtlai District chhunga 38-Lawngtlai East huam chhunga Polling Station Number 30-Tialdawngilung ah Vawiin hian inthlan\hatna neih a ni dawn.

MNF President in an chak loh a pawm tih a sawi

MNF President Pu Zoramthanga chuan, MLA Gen. Election 2013 result-a MDA-in hnehna a chang lo chu Pathian remruata a ngaih thu a sawi a, “Kan chak loh hi kan pawm a, Mizo Nationalism erawh hneh a la ni lo hi kan lawm a ni,” a ti.

ZNP President in an tlak chhan a sawi

Nimin khan ZNP chuan an party Office-ah inkhawm an nei a, he hunah hian an President, Pu Lalduhoma chuan Assembly inthlanpuia an tlak chhan te a sawi.

Assembly inthlanpui result tla te chhiarin INC in hneh takin sorkar an siam zui thei dawn.

Nov. 25, 2013-a Mizoram Legislative Assembly inthlanpui neih a vote tla te chu nimin khan chhiar a ni ta a, rorellai Indian National Congress (INC) chuan seat 40-ah seat 33 lain party mala sorkar siam thei khawpin hnehna an chang leh a ni.

Inthlanpui a Candidate te vote hmuh dan

CandidatePartyVoteCandidatePartyVoteCandidatePartyVote1-HACHHEK :14-AIZAWL EAST-II :28-HRANGTURZO :Lalrinmawia RalteINC7852LalsawtaINC4992Lal ThanhawlaINC5173Saikap\hiangaMNF5519Sailothanga SailoMNF4815LalthansangaMPC3545Lalzamlova TochhawngZNP1139K. LaltuvelaZNP3131H.LalduhawmaZNP3412PazawnaBJP15515-AIZAWL WEST-I :F. RemkhumaJMB29LalhmingthangaNCP2467TlangthanmawiiINC5925Lalawmpuia RenthleiIND392-DAMPA :K. Sang\huamaMNF638729-SOUTH TUPUI :LalrobiakaINC6172LalduhomaZNP4894John SiamkungaINC4912LiansuamaMNF5011Kapmawia RalteBJP105ZH. RopuiaMNF3217LalrimawiaZNP287816-AIZAWL WEST-II :J.LalchhuanaZNP3344R. LaltawnlianaBJP121Dr. LalmalsawmaINC5945PC RemthangaBJP533-MAMIT :LalruatkimaMNF657530-LUNGLEI NORTH :

MCS, MPS leh MF&AS-ah tling thar te :

Mizoram Public Service Commission (MPSC) in Competitve Exam a buatsaih result chu nimin khan  tihchhuah a ni ta a, Mizoram Civil Service (MCS) Junior Grade-ah mi 14 tlingin an zingah hian hmeichhia 7 an tel a, Mizoram Finance & Account Service (MF&AS)-ah mipa 2 tlingin Mizoram Police Service (MPS) Junior Grade-ah mipa 5 an tling bawk. MCS Tling thar te :

Vote chhiar Ni-a Thuthar puan dan tur ruahman fel

Assembly inthlanpui a vote tla te karleh Thawh-\anni-a chhiar turah thuthar puandarh dan tur chungchang ah ruahmanna siamfel a ni tawh.

Serchhip District chhunga vote tla chhiar turin ruahmanna peihfel thawkhat a ni ta.

Assembly inthlanpui neih a Serchhip District chhung Constituency pathum-a vote tla te chu Mizoram hmundangte rualin karleh Thawh\anni khian chhiar a ni dawn a, ruahmanna peihfel thawkhat a ni tawh.

ASEP in ramngaw leh nungcha humhalhtu mi 9 te chawimawi.

Association for Environmental Preservation (ASEP) chuan nimin khan Aizawl Press Club ah ramngaw leh nungcha humhalhna kawnga thawk \ha mi 9 te hnenah Chawimawina Citation an hlan.

District hrang hrangah Vote chhiar dan tur ruahman fel a ni.

Assembly inthlanpui neih zawh taka vote tla te chu karleh Thawh\anni, Dec. 9, 2013 zing dar 8:00 a\ang khian District hrang hrangah chhiar a ni dawn ta a, hemi atan hian ruahmanna pawh peihfel thawkhat a ni tawh a ni.

AIR Special Programme

All India Radio, Aizawl chuan tun \um MLA Inthlan Vote chhiar ni (9.12.2013) zing dar 7:00 a\anga chawhnu dar 2:00 inkarah Special Live Programme a buatsaih dawn a. Zing dar 9:00 a\angin darkar tin Inthlan result puan a ni anga, Result puan inkarah Inthlanna chung-chang thil pawimawh, ngaihnawm leh bengvarthlak tak tak sawihona hun buatsaih tum ni bawkin inthlan a tling te leh Party hruaitute live interview neih a ni bawk ang.

MZP huaihawtin Remna kawngzawh \an a ni. Rukbo ten an chhungte an rawn bepawp.

MZP General Headquarters huaihawtin nimin khan Aizawl atanga Tuipuibari thlenga ke a Remna kawngzawh (Long March) chu Aizawl a\angin neih \an a ni. 

Synod inkhawmpui ah rorel-na neih \an a ni

Synod Inkhawmpui vawi 90-na chu Aizawl Ramhlun North Presbyterian Kohhran Biak Ina neih mek a ni a, niminpiah khan rorel inkhawm \an niin Moderator (elect) ah Rev. Lalrinmawia thlan a ni.

Aizawl District huamchhunga 36.58% hmun hlauhawm.

Aizawl District chhunga Square kilometre 1284, za zela 36.58 chu khuarel chhiatna chi hrang hrang thlen theihna hmun hlauhawm a ni.

Serchhhip Football thuthar :

2nd Division Final khel dawn :

Sawhthing rate a mumal nan hmalak tum

Mizoram Ginger Grower Association (MGGA) chuan kumin (2013) ah hian Sawhthing lei duha zawngtu te duh dan ang anga Sawhthing hralh mai lo turin Sawhthing chingtute chu an ngen.

Mi 3 rubotu ten tlanchhuahna sum phut puang \an. Vawiin ah Remna kawngzawh \an dawn.

Thla kalta Nov. 23-a Chikha Anti Poaching Camp hlui bul a\anga mi pathum rukbo zinga hnamdang, Deep Mondal-a ruaitute hnen ah heng mi rubotute hian tlanna sum cheng vbc. 5 an phut.

Inthlanpui result puanchhuah dan tur ruahmanna siam.

Nimin khan Aizawl District Deputy Commissioner leh District Election Officer nibawk Dr. Franklin Laltinkhuma hovin, Mizoram General Election 2013 result puan dan tur Pu Lalchungnunga, Additional Deputy Commissioner; Pi Lalchhandami, Election Officer leh Pu David L. Thangliana, Deputy Director, Information & Public Relation Department aiawhte chuan an rel ho.

Aizawl District-a hmun hlauhawm tarlanna lehkhabu tlangzarh.

Chhiatrupna thlen thulha chet lak dan ruahmanna bu ‘State Disaster Management Plan’ leh Aizawl District huam chhunga hmun hrang hrangte him leh himlo leh chung hmun te derthawn dan zirchianna map bu ‘Hazard Risk & Vulnerability Analysis of Aizawl District’ chu nimin khan tlangzarh a ni.

NRHM hnuaia Contract Health Worker ten harsatna tawk.

Health Multipurpose Service Association chuan thuchhuah siamin an Member NRHM hnuaia Contract Health Worker-a thawkte chuan harsatna an tawk mek niin an sawi.

Chanchinbu chawlh hun

MJA Serchhip District chuan nimin khan Serchhip Times Office-ah Executive Meeting neiin kumin atan Dec. 20, 2013 thlengin tualchhung chanchinbu te tichhuakin Dec. 21, 2013 a\angin Krismas leh kumthar chawlh hman nise an ti a, kumthar (2014) atan Jan. 6, 2014 (Thawh\anni) ah tualchhung chanchinbu te hi tihchhuah leh nise an ti bawk. Hei bakah hian Dec. 20, 2013 khian Advance Krismas chu hman nise tiin hetah hian miharsate \anpuina tur sum thawhkhawm leh nise an ti bawk.

Seventh-Day Adventist Thalai ten thisen pe

Association for Voluntary Blood Donation (AVBD) Serchhip Branch ten ruahmanna an siam angin Serchhip-a Seventh-Day Adventist \ha-lai pawl, Adventist Youth Federation (AYF) Serchhip Branch te chuan damlo a mamawh apiang ten an hman tura JN Hospital Serchhip Blood Bank-a dah turin nimin khan thisen an pe a, thisen petute hi mipa 8 leh hmeichhia 3, an vaiin mi 11 an ni.

World Disable Day pualin hun hmang

Image
Nimin (3rd Dec. 2013) kha World Disable Day a ni a, he Ni pual hian Serchhip-ah pawh SSA Mission Serchhip, Shalom Spastic Society leh DC Serchhip \angkawp Chawhnu dar 3:00 khan Serchhip DC’s Bungalow-ah hun hman a ni.

Serchhip-ah Road Safety Week hawnna neih a ni.

Image
Lirthei khalh chunga Phone hman phal a ni lo.Zoram Drivers’ Union (ZDU) huaihawtin nimin a\ang khan Mizoram pumah Fimkhurna Hapta, Road Safety Week vawi 33-na chu hman \an leh a ni a, Serchhip-ah pawh ZDU Sub-Hqrs. Serchhip huaihawtin he Hapta hi hman niin nimin zing khan he Hapta hawnna hi neih a ni.

Serchhip District chhungah ralthuam \hahnem tak man a ni.

Image
Niminpiah (2nd Dec. 2013) tlai dar 3:00 vel khan Serchhip Police leh 14th Assam Rifle \angkawp te chuan Serchhip District chhung Khawlailung leh Chekkawn inkarah TATA 207 (MZ-04/4240) a\angin ralthuam tawlruk \hahnem tak leh heng ralthuam rawn kengtu mi 2 te an man.

Electoral Roll siamthat hna thawh leh a ni dawn

Election Commission of India thupek angin Mizoram Electoral Roll hman lai chu tunthla atang hian ennawn leh a ni dawn a, hetah hian nakumJanuary ni 1 a kum 18 tling chin thun belh theih a ni dawn a ni.

Central YMA in Krismas leh kumthar Thuchah siam

CENTRAL YOUNG MIZO ASSOCIATION
MIZORAM : AIZAWL

KRISMAS LEH KUMTHAR THUCHAH

Serchhip District chak

Lawngtlai-a Inter-District Under-14 Football Championship khelh mekah nimin khan Serchhip District chuan Lunglei District chu 4-1 in an hneh a, heti hian Group Match vawi 2 khelh tawh ah vawikhat chakin vawikhat an chaklo a, an Group Match-ah hian Saiha la tum lehin an hneh a nih chuan Semi Final an lut thei dawn a ni.

VC te kawng lai zau

Serchhip-IV VC te hmalakna in Serchhip Chanmari Kawn a\anga Chanmari Thlanmual panna, kawngchung zawk chu nimin a\ang khan Motor kal theih turin MGNREGS sum hmangin laih a ni a, he kawng hi laihthlang a nih chuan awlsam zawkin Tarpi Tlang-ah motor a kal thei tawh dawn a ni. He kawng laihna atan hian Pu C. Lalremliana leh Pi Ngurthani te chuan an ram an pe a, Serchhip-IV VC te chuan ram petute chungah hian an lawm hle tih an sawi bawk.

Meizuk khapna Dan bawhzui \ha

Mizoram State Tobacco Control Society (MSTCS) chuan nimin khan Aizawl-a I&PR Conference Hall-ah The Cigarettes & Other Tobacco Products Act, 2003 hnuaia Section 4 zawm dan (a \hat leh \hat loh) zirchianna an neih a\anga an thil hmuhchhuahte tarlanna hun an buatsaih.

Excise Department-a Officer ten Zu chungchang zirho.

Mizoram Excise & Narcotics Department-a Inspector 10 leh Sub-Inspector 15 te tana Zu chungchang zrihona, ‘Scientific Analysis of Alcoholic Liquor’ chu nimin khan neih \an a ni.

ZNP Vice President in inthlanpui neih zawh tak a thianghlimlo nia a hriat thu a sawi.

ZNP Vice President, Pu K. Liantlinga chuan Assembly  inthlanpui neih zawh tak chu a thianghlim lo hle nia sawiin, “Kan Sorkar ten pawl \ha leh thianghlim politics propaganda thehdarhna hmanrua-a hmang lo turin ka duh a ni,” a ti. 

World AIDS Day : Mizoram-ah AIDS vangin mi 669 thi tawh

Mizoram State AIDS Control Society (MSACS) chhinchhiah danin, kum 1990 October thla a\anga kumin July thla thleng khan Mizoram-ah AIDS vanga thi mi 669 an awm tawh.

CEO leh thuthar thehdarhtu ten Assembly inthlanpui neih zawh tak thlirho.

Mizoram Assembly inthlanpui neih zawh tak chu Inrinni kalta khan Chief Election Commissioner Pu Ashwani Kumar hovin I&PR Auditorium-ah Election hotute leh thuthar thehdarhtute chuan an sawiho.

Affidavit-a thu ziak diklo ah MNF Candidate puh

Tun \um Mizoram Assembly in-thlanna atana chuhtu zinga mi, MNF candidate Pu R. Tlanghmingthanga chu a hming a pekluh ruala a chungchang a puanna (affidavit)-ah thudiklo ziakah puh a ni.

VVPAT in duhtu samlo. Sum ruahman hmang zolo

Ramchhunga a vawikhatna atana India ram chhunga inthlanpuia Electronic Voting Machine (EVM) nena VVPAT thlun zawm hman a nihna Mizoram-ah chuan VVPAT khawl hian duhthu a samlo hle niin Election Department hotute chuan an sawi.

Inthlanpui a thil felhlel deuh thleng ah ngaihdam dil.

Chief Electoral Officer Pu Ashwani Kumar chuan Assembly inthlanpui neih zawh takah thil felhlel deuh thleng \henkhat ah ngaihdam a dil.

Assam Rifles ten an ram chhuahsan vek loh tum.

Aizawl-a Assam Rifles ten an ram \henkhat chauh chhuahsan an tum laiin a zavaia Zokhawsang a insawnchhuak turin sorkar lam chuan a ti thung.

NH. 54 siam\hat hna thawk \an leh

Image
Nimin November 29, 2013 a\ang khan Serchhip District chhunga National Highway-54 siam\hat hna chu thawh chhunzawm leh a ni.

Mizoram-a tourism development kalpui turin theihna remchang tam tak a awm-Larsap

Mizoram Larsap Pu Vakkom Purushothaman chuan Mizoram-ah hian khualzinte hip theihna tur Tourism development chak taka kalpui theihna remchang tam tak a awm a ni, a ti.

Khawbung PHC-ah rannung seh hmuhbelh zel

Tunhnai khan Khawbung Primary Health Centre-ah rannung seh mi engemaw zat hmuhchhuah an ni a, tunah hian pali chu damdawi Inah enkawl mek an ni.

Congress mipuite lungawi tum turin an President in a chah.

Mizoram Pradesh Congress Committee (MPCC) President, Pu Lal Thanhawla chuan Assembly inthlanpui neih zawh takah an chungah eng pawh thleng se an party mipui te chu lungawi tum turin a chah.

‘Kan mamawh tawk MLA min pe ang’ - Zoramthanga

MNF President Pu Zoramthanga chuan, “Pathian engkim tithei chuan kan mamawh tawk MLA min pe ang,” a ti.

Teak chingtu ten Kawrthah DFO Office an kalh sak.

Hachhek Teak Planters' Association chuan Teak Round log kal tir theih a nih loh avangin Kawrthah DFO Office chu nimin zing dar 9:30 a\ang khan an kalh sak a, Special Investigation Team (SIT) thutlukna PCCF Office a\anga DCF in Nov.4, 2013 a a tihchhuah chu an duhloh zia entirnan Office kawtah hian an hal nghal bawk.

Scholarship tur sum pechhuak \an

Mizoram Scholarship Board chuan kum 2013-14 atana Scholarship chu nimin khan Mizoram hmun hrang hrangah a semchhuak \an.

Polling Station pakhat ah vote thlak \hain Strong Room hawngin EVM enfiah a ni bawk.

Nimin khan 18-Aizawl South-I (ST) AC-a Polling Station pakhat ah inthlan \hat (Re-poll) chu muanawm leh tluang tak a neih a ni a, nimin vek khan EVM Strong Room Pachhunga University College ami chu General Observer hovin hawn a ni.

Hnam rohlu 33 humhalh turin puang

Mizoram sorkar, Art and Culture Department chuan INTACH pawl rawtna angin Hnam rohlu 33 te chu humhalh turin (Protected monuments) MAMARS Act hmangin a puang leh ta.

Zirlai mahni intodelh te hnenah elf-Support Award hlan a ni.

Students’ Self-Support Union (SSU) chuan General Assembly vawi 28-na a ni 2-na leh a kharna hun nimin khan hmangin Zirlai, mahni intodelh mi 3 (pathum) hnenah “Self-Support Award” an hlan bawk.

Tuikuk Hel nia hriat ten mi 3 an rukbo chhuah turin pawl hrang hrangin in nawr mek.

Tun thla ni 23 zana Mizoram khawthlang lam Damparengpui leh Rajiv Nagar inkar Chikha Anti Poaching camp hlui bula mi pathum rukbo chu pawl hrang hrangin an demthu sawiin, MZP chuan he thil thleng vang hian ‘Remna kawngzawh’ neih an rel bawk.

Mizoram Calendar thleng

District Information & Public Relations Office, Serchhip-ah Mizoram Calendar 2014 lei tur a rawn thleng leh ta a, copy khat man hi Rs. 40/- zel a ni. Tin, Diary pawh a bu lian pakhat Rs. 100/- leh a bu te pakhat Rs. 80/- zelin lei theih a ni a, stock a tam vak loh avangin a duh turte tan Office hun chhungin a rang lama ngaihven tur a ni ang.

Sorkar siam theih inbeisei thu sawi \heuh

Mizoram Legislative Assembly inthlanpui atan vote thlak zawhfel a ni ta a, Mizoram-a Party lian pali (4) President te chuan sorkar thar siam ngei an in beisei thu an sawi \heuh a ni.

Vote tlak \hat ber \um

Mizoram Assembly vawi 7-na dinna tura tunkar Thawh\anni a vote thlakah chuan za zela 83 chuang a tla a ngaih a ni a, Mizoram inthlanpui-a vote tlak \hat ber \um a la ni.

SSU in zirtirtute hremna dan awmze nei zawka hman duh.

Students’ Self Support Union (SSU) chuan Zirtirtu, mahni post a awm \ha duhlo leh zirlaite tana entawn tlak loh leh nungchang mawi lo te hremna dan (rules) awmze nei zawka hman a nih theih nan sorkarah thlen nise an ti.

Vawiin-ah Aizawl Republic-ah Vote thlak \ha dawn

Aizawl South-I Polling Booth 18/16 Republic veng Booth No 1-a vote thlaktute aiin vote tla chu 16 in a tam (a in mil lo) a, hei vang hian tukin dar 7:00 a\ang hian vote thlak \hat leh a ni dawn.

Mizoram puma vote tlak dan dinhmun

Mizoram Assembly General Election a vote tlak dan chu a kimchangin a hriat theih ta a, District pum angin Lunglei District ah vote a tla \ha ber a, 84.85% a tla a, Mamit Dist ah a tla chhe ber a 73.98% a tla . Assembly bial anga vote tlak thatna bial te chu Tawi bial 87.87%, Lunglei North 87.34%, Tuikum 87.30%, West Tuipui 87.23% te an ni a, Vote tlak chhiatna chu Hachhek bial 65.95% a ni.

Serchhip District inthlan thunawi :

Mizoram Legislative Assembly inthlanpui neih zawh taka Serchhip District chhung thil thleng pawimawh zualte :

Hrangturzo biala vote tlak dan

28-HRANGTURZO (ST) A.C.

Tuikim Assembly biala vote tlak dan tlangpui

27-TUIKUM (ST) A.C.

Serchhip biala vote tlak dan tlangpui

26-SERCHHIP (ST) A.C.

Inthlanpui atana mipui ngaihdan lakna puan a ni.

Serchhip-a Local Cable TV pakhat, TT Vision leh tualchhung chan-chinbu pahnih, Ramlai Arsi leh Lenkawl in tun thla ni 25-a Mizoram Assembly inthlanpui neih tura Serchhip leh Thenzawl-a sorkar Office hrang hrang, Bazar hmun-a sumdawngte leh Taxi leh Auto Rickshaw dinna vela MLA inthlanpui neih tura mipui ngaihdan lakna, Opinion Poll an buatsaih result chu nimin khan puan a ni ta a.

Campaign in a vawrtawp a thleng mek

Karleh Thawh\anni a Assembly inthlanpui neih tur atana party leh Candidate te campaign chuan a vawr-tawp a thleng chho \an mek a, Candidate leh anmahni puitute chu Veng hrang hrangah campaign in an buai rih hle a ni.

EPIC leh Voter's Slip chauh hman theih dawn

Election Commission of India thuchhuak angin Mizoram inthlanpui lo awm tura vote thlak tum te chu anmahni ngei an ni tih chhinchhiah (identify) na turin Elector’s Photo Identity Card (EPIC) emaw Voter’s Slip emaw chauh pawm a ni dawn.

National Shooter thar

West Bengal-a Silai inkahsiakna a Mizoram aiawha tunhnaia kal, Lalrinpuii d/o Vanlalsiama, AOC Veng Serchhip chu National Shooter atana thlan a ni a, nimin khan Serchhip-ah rawn hawin mi engemaw zatin an lo lawm a ni. National Shooter te hian ramchhung hmun hrang hrangah Silai inkah-siakna an nei \hin a, heta ti\hate hi India aiawh tura thlan leh \hin an ni.

Inthlanpui atan inbuatsaihna peihfel thawkhat

Karleh ni 25-a Mizoram Assembly inthlanpui neih tur atana official lam inbuatsaihna chu peihfel thawkhat a ni ta a, District tinah Polling Party zawng zawngten training an nei zo fel a, venhimna lama thawktu te pawhin an awmna hmun tur \heuhah awm fel tawh in hna hrang hrangte chak taka kalpui mek zel a ni bawk.

Tripura Transit Camp 6-ah vote thlak zo. Voter za zela 74.34 ten vote an thlak.

Tripura Bru Transit Camp 6 a vote thlak chu nithum neih a nih hnuah nimin khan zawhfel a ni a, heng camp hrang hrangah te hian vote zaa 74.34 a tla tih Election Department chuan an sawi.

Party pahnih ten Sonia Gandhi thusawi chhang

MPC leh BJP te chuan thuchhuah siamin tunhnaia Mizoram-aCongress President, Pi Sonia Gandhi thusawi chu an chhanglet.

Postal ballot la dil theih

Serchhip District chhunga Assembly Constituency pathum a inthlan buaipuitu official (official on duty) an vote neihna Constituency a vote thlak tura kal remchang hman lo, Postal Ballot hmanga vote thlak duh tan Vawiin tlai dar 4:00 thlengin dilna (Form-12) thehluh theih a ni a, nimin tlai dar 4 thleng khan Postal Ballot thawnchhuah tawh chu 892 a tling tawh a ni.

Serchhip biala Candidate te tan MPF buatsaihin Joint Platform neih a ni.

Image
Mizoram People Forum (MPF) Serchhip Constituency Forum buatsaihin nimin (19th Nov. 2013) khan Serchhip Bazar-ah Joint Platform neih a ni a, he hunah hian tun thla ni 25-a Assembly inthlanpui neih tura Serchhip biala Candidate 4 te an tel kim thei a ni.

Inthlan kaihhnawih thuthar :

Joint Platform nei dawn

Motor chesual

Nimin tlailam khan Aizawl leh Guwahati inkara service Maxi Cab (Hlim Hlim) Mz-06/4678, Pu Jessy Tlanmawizuala, Serchhip IOC Veng ami ta, Lawngtlai-a mi thlah tura a kal chu Thenzawl bul, Buangpui pelh hnu KM 2 velah chesualin kawngthlang ah a tlanliam a, he Motor ah hian mi 2 chuangin vanneihthlak takin hliam na erawh an tuarlo thung.

Postal Ballot 795 thawnchhuak tawh

Assembly inthlanpui neih tur atan nimin tlai dar 4:00 thleng khan Serchhip District Election Office a\ang Postal Ballot 795 thawnchhuah ni tawhin; Postal Ballot 3 a rawn kir tawh.

Assembly inthlanpuia Congress tana campaign in UPA Chairperson in Mizoram a rawn tlawh.

Congress President, Sonia Gandhi chuan Assembly inthlanpui neih tura Congress party tana campaign in nimin khan Mizoram a rawn tlawh a, Lunglei-a vantlang inkhawm ah thu a sawi a ni.

DDK-ah inthlanpui pual

Doordarshan Aizawl chuan kumin Assembly Inthlanpui pualin Programme chi hrang a buatsaih chho mek.

Hlamzuih tihbo dan tur ruahmanna Synod in pawm.

Mizoram Presbyterian Kohhran thuneitu sang ber dawttu Synod Executive Committee (SEC) vawi 247-na \hukhawm chuan Hlamzuih tihbo dan tur ruahmanna chu a pawm.

Vawiin-ah Bru Camp-ah vote thlak \an a ni dawn.Vawiin leh naktuk-a Tripura Bru Camp 6-a vote thlak turin inbuatsaihna peihfel thawkhat a ni tih Election Department Jt. CEO Pu H. Lalengmawia chuan a sawi. Mizoram State Inthlanpui neih tura All India Radio Regional News Unit Part-Time Correspondent leh Reporter te tih tur leh tih loh tur leh reporting tih dan tur te zirhona Aizawl AIR Sation-a nimina an buatsaih a hmanpuina ah he thu hi sawiin Pu H. Lalengmawia chuan Tripura Bru Camp-a vote thlak tur buatsaih turin official 86 te chuan tluang takin Tripura an thleng tih a sawi a, Tripura Transit Camp-a awm mek Bru te chu Mizo khua leh tui nihna diktak nei te an nih hlawm avangin, an chanvo, vote an thlak ngei chu an tih tur a ni, a ti a, vote an thlakna tur kawnga harsatna liantham tun thlenga a thleng lo chu lawmawm a tih thu a sawi a ni. Bru vote thlak tur vil tur hian Election Commission chuan Observer 6 leh Special Observer pakhat a ruat a, anni pawh hian Agartala an thleng tawh a, inthlanna muanawm tak a awm theih nan venhim hna thawk turin police platoon 3 dah an ni tih a sawi bawk a ni. Hetihlai hian he inthlanna a duty turte chuan tluang takin an duty-na tur hmun an thleng tawh a, he inthlanna a duty tur Polling Party te hi dan tumin Inrinni khan MSU mi engemawzat chu Bus pahnih nen an kal a, Pathianni khan Kanhmun a Langkaih lui bulah Polling Party te hi dan an tum a, mahse Polling Party mi 86 te hi helamah kal lovin W. Phaileng lamah kalin Zomuantlang kaltlangin Tripura lut tura kaltir an ni a, MSU ten dan tur an neih tak lovah chuan Pathianni tlai khan Kanhmun hi an chhuahsan leh ta niin thudawnna chuan a sawi. Venhimna hnathawk tur hian MAP Platoon khat leh Central Para-Millitary Force platoon hnih an awm bawk a, Mamit a\angin Ploce engemawzat an kal bawk a ni. Tripura Relief Camp-a Bru vote nei thei awm zat hi a tirah mi 11,311 chhinchhiah an ni a, Special Registration Drive an neihah hming 301 thun belh lehin vote nei thei hi mi 11,612 ni tura ngaih a ni.

Vawiin leh naktuk-a Tripura Bru Camp 6-a vote thlak turin inbuatsaihna peihfel thawkhat a ni tih Election Department Jt. CEO Pu H. Lalengmawia chuan a sawi.

Serchhip News tawi :

Biak In thar hawng

Serchhip-ah SVEEP Rally neih a ni

Inrinni zing khan Serchhip Bazar-ah vote thlak uar tura infuihna, SVEEP Rally neih a ni.

Serchhip-a EVM Mock-Poll neih ah thil diklo a thlenglo tih thuneitu ten an sawi.

Social Networking site hrang hranga Serchhip-a EVM Mock-Poll neih na ah thil diklo awm anga sawi chu thudiklo a nih thu leh EVM Mock-Poll neih chungchangah thildiklo a awm loh thu Serchhip District Addl. DC, Pu Lalsangliana chuan a sawi.

Candidate zingah cheng vbc. hu nei mi 75 an awm.

Association for Democratic Reforms (ADR) hnuaia National Election Watch te chuan Mizoram MLA candidate te affidavit atanga an zirchiannaah, candidate 142 zingah cheng vbc. hu nei tling mi 75 (53%) an awm a, candidate te thilneih hlutzawng chawhrual chu vbc. 2.31 a ni, an ti.

Agriculture Department Buh enchhin seng

Serchhip-a Agriculture Department in Serchhip Zawlpui-a Pu Lalnunsiama Leilet, Hactare 1-a zau-a buh an enchhin chu nimin khan seng a ni a, helai hmunah hian Buh chi 2-CAUR1 leh DRRH2 te enchhinin CAUR1 hi kumin July 3 khan kui in July 12 khan an phun a, DRRH2 hi July 4 khan kui in July 15 khan phun a ni bawk a, heng te hi SRI hmanga phun leh enkawl niin heng te hi nimin khan sengin a hlawk dan an enfiah a. Helai hmunah hian nikum khan KRH2 chu enchhin ni tawhin nikum khan phur 130 an thar thei a, kumin ah hian an thar zat hi hriat theih ala ni rihlo thung a ni.

Chi vangin Serchhip mipuite buai

Nimin zing khan Mizoram hmun hrang hrangah Chi a vang nia sawi a awm thut avangin mipuite an chi-ai nasa hle a, hei vang hian Dawr hrang hranga Chi lei tur awm te pawh a man pangngai aia sanga hralh te a ni hlawm chungin mipui ten an inchuh zo nghal vek a, Dawr \henkhat ah phei chuan Chi lei tur hi an intlar hial nghe nghe a ni. Hetianga thuthang a awm hnu hian mipuite chu a theih ang angin thuthang diklo a nih thu hi hrilh hriat leh an ni a, Serchhip Kawnpui ‘N’ Branch YMA te chuan he thuthang hi a dikloh zia lantirna atan leh mipui te thlamuanna atan karleh Thawh-\anni, 18th Nov. 2013 khian AOC Veng-ah Chi hi a man pangngai a an zawrh tur thu an sawi bawk.

Oil zawngtu chetsualna ah mi 1 boral

Serchhip District chhung Oil zawn hna thawktu te chuanna Motor chu nimin khan Hmun\ha dai-ah chesualin mi 1 a boral.

Chi chungchangah sorkar in thuchhuah siam.

Food, Civil Supplies and Consumer Affairs Department chuan Chi chungchanga thuthang awm chungchangah thuchhuah siamin Chheprelh (Hoarding) leh man to a hralh chu Essential Commodities Act, 1955 dan bawhchhiatna a nih thu leh chutiang ti hmuhchhuah an nih chuan dan anga action lak a nih tur thu a tarlang.

Serchhip news tawi :

TB vei thar awmlo

Khawlailung khua ah Joint Platform nei

Mizoram Assembly inthlanpui neih tur atan Ser-chhip District-a a hmasa ber turin nimin khan Khawlailung ah Hrangturzo biala Candidate te tan Joint Platform buat-saih a ni.

District Child Protection Society buatsaihin Serchhip-ah Children’s Day hman a ni.

Nimin Nov. 14, 2013 kha India Prime Minister hmasa ber, Jawaharlal Nehru pianchamphaphak a ni a, rampumah Children’s Day atana hman niin Serchhip-ah pawh he Ni pual hian hun hman a ni.

Serchhip District-a Polling parties te Team tur thlanfel a ni.

Assembly inthlanpui neih tura Serchhip District chhung Polling Station hrang hranga duty tur te an duty na tur Constituency leh an telna tur Team computer hmanga thlanchhuahna ‘2nd-Level Randomisation of Polling Party’ chu nimin khan neih a ni.

Inthlanpui atana inbuatsaihna Jt. CEO in hrilhfiah.

Tun thla ni 25-a Mizoram Assembly inthlanpui neih tur atana inbuatsaihna kal mek chungchangah Joint Chief Electoral Officer, Pu H. Lalengmawia chuan nimin khan a Pisa-ah thuthar lakhawmtute kawmin an hmalakna te a hrilhfiah.

CHILDREN'S DAY

CHILDREN'S DAY- Kiddy Vanchhawng

Inthlan kaihhnawih thu thar thenkhat